Latyn álipbıine kóshý arqyly ulttyq bolmysymyzdy saqtap qalamyz - Kópen Ámirbek
«Rýhanı jańǵyrýdy Elbasy búgin kóterip otyrǵan joq. Burynnan qozǵap kele jatyr. Nazarbaevtyń ulttyq jańǵyrý týraly baıaǵyda aıtqan sózi esimde qalypty. Ulttyq jańǵyrý - sananyń kemeldenýi, sananyń pisip-jetilýi. Ol úshin ne isteý kerek? El bolýymyz kerek. El bolý úshin ne isteý kerek? El bolýǵa ulttyq rýh kerek. Ulttyq qasıet jáne ultqa degen senim kerek dep edi. Dúnıede qazaq degen el bireý. Demek onyń ulttyq bolmysy, ulttyq sana-sezimi, ádet-ǵurpy barsha qazaqqa tán. Onyń ǵajaıyp mol rýhanı qazynasy bólip-jarýǵa jatpaıtyn ortaq baılyq ekenin de Elbasy aıtty. ıAǵnı, bizdiń ultymyzdyń tutas bolmysy - bizdiń baılyǵymyz. Biz osy baılyqty barynsha ıgerip jatyrmyz ba, joq álde ajyrap bara jatyrmyz ba? Mine, ulttyq jańǵyrý degen osy», - dep atap ótti K. Ámirbek.
«Sonaý 70-jyldary «Moı adres - Sovetskıı soıýz» degen án dúnıe júzin sharlady. Onyń túpki maqsaty - sol zamanda Keńes úkimetindegi júzden astam ultty joıyp, bir ǵana Keńes úkimetiniń azamattaryn shyǵarý edi, - dep jalǵastyrady ol. - Ulttyń aty joıylǵan soń, ózi de joıylady ǵoı. Sony biz namyspen saqtap qaldyq. 1986 jyly Jeltoqsanda ortaq ult jasaýdyń joly kesildi. Ult bolyp qalǵanymyz úshin baqyttymyz».
Onyń pikirinshe, ultty saqtap turǵan birinshi qasıet - onyń ǵajaıyp tili. «Elbasy bir sózinde barlyq saladaǵy is-qaǵazdarymyz memlekettik tilge tolyq kóshkende, Qazaq eli dep atalamyz dedi. Búgingi Elbasynyń baǵdarlamasyn erteńgi kúni baqytqa aparatyn baspaldaq der edim. Endi sol baspaldaqpen kóterilip, joǵary órleýimiz kerek», - dep atap ótti Kópen Ámirbek.