Latyn álipbıine kóshý ádistemesin ázirleýge myńnan astam maman qatysty
«Latyn álipbıine negizdelgen pernetaqtany synaqtan ótkizý jumystary kezinde áripterdiń Unikod standarttaryna saı emes jerleri belgili boldy. Bastaǵan kezde ár áriptiń pernetaqtada qalaı turatynyn bilgen joqpyz. Qazir sony pernetaqtaǵa salyp synaýdyń múmkindigi týdy. Bıyl Lenovo kompanııasymen birge latyn álipbıine negizdelgen pernetaqta shyǵaryp, testileý rejıminen ótkizgenbiz. Sonyń qorytyndysyna sáıkes, árip terý kezinde ártúrli kedergiler týǵyzatyn áripter bar ekeni málim boldy. ıAǵnı ǵalymdar usynǵan keı tańbalar Unikod standartyna saı kelmeıtin bolyp shyqty. Osy kúnge deıin myńnan astam mamanmen latyn álipbıine kóshý boıynsha ádistemelik jumys júrgizdik. Onyń ishinde ártúrli býyn men sala ókilderiniń pikirleri alyndy. Ózderińiz biletindeı, keshe Prezıdent sonyń barlyǵyn júıelep, usynylǵan túzetýlerdi engizýdi tapsyrdy», – dedi QR Mádenıet jáne sport vıtse-mınıstri Nurǵısa Dáýeshev OKQ-de ótken baspasóz máslıhatynda.
Mınıstr orynbasarynyń málimdeýinshe, elordada ótetin til forýmy aıasynda ǵalymdar daıyndaǵan latyn grafıkasynyń oqytý-úıretý ádistemeleri tanystyrylady.
«24 qazan kúni Til forýmynda jańa álipbıge negizdelgen oqytý jáne úıretý ádistemeleri, latyn grafıkasynyń IT tehnologııalarǵa beıimdelgen jobalary tanystyrylady. Forýmnyń maqsaty da sol - Elbasy tapsyrmasyna sáıkes, qazaq tilin latyn grafıkasyna kóshirý baǵytynda atqarylǵan jumystardy talqylaý. Sonymen qatar, forýmda qazaq tiliniń qoldanylý aıasyn keńeıtý máseleleri qaralady», - deıdi ol.
Aıta ketsek, buǵan deıin habarlaǵanymyzdaı, 24 qazan kúni elordada «Jahandaný jáne ulttaný úderisindegi qazaq tiliniń ómirsheńdigi» taqyrybynda til forýmy ótedi.