Latyn álipbıi memlekettik tilimizdiń rólin bıiktete túsedi - QHA-nyń úndeýi
«Bul - obektıvti qajettilikten týyndaǵan ýaqyt talaby. Qazaq tilin latyn álipbıine kóshirý jalpyulttyq biriktirý faktory retinde memlekettik tildiń rólin odan ári bıiktete túsetinine, qoǵamdyq kelisim men jalpyulttyq birlikti nyǵaıtatynyna, ulttyq kodymyzdy saqtaýdy qamtasyz etetinine nyq senimdimiz. Latyn grafıkasy kóp tildiliktiń damýyna jaǵdaı jasaıdy. Qazaqstannyń álemdik ekonomıka men kommýnıkatsııalarǵa, ǵylym men mádenıetke ıntegratsııalanýy úshin, Ekonomıkalyq damý jáne yntymaqtastyq uıymyna kirý úshin, qoǵam ómiriniń barlyq salalaryn tsıfrlandyrý prıntsıpinde úshinshi jańǵyrtýdy júrgizý úshin uzaq merzimdi áser bere alady", - delingen uıymnyń úndeýinde.
Budan bólek, Assambleıa músheleri latyn arqyly shetelde turatyn otandastarymyzben rýxanı jaǵynan jaqyndasa túsýge bolatynyn erekshe atap ótti.
"Negizi, bul qujat jaı trafaret emes. Qazirgi kezde Qazaqstan halqy Assambleıasy músheleri de bizdiń pikirimizdi kútip otyr. Sondyqtan biz búgingi bastamaǵa ún qosyp, latyn álipbıiniń biryńǵaı standartyn xalyq arasynda túsindirý jumystaryna atsalysýymyz qajet", - dep atap kórsetti QHA Tóraǵasynyń orynbasary Darxan Myńbaı búgin uıymnyń ǵylymı-sarapshylyq keńesiniń keńeıtilgen otyrysynda.
Aldaǵy ýaqytta Assambleıa músheleri latyn álipbıine arnalǵan birqatar sharalardy ótkizetin bolady. Budan bólek, uıymnyń resmı saıtynda arnaıy aıdar ashylady. Al músheleri óz pikirlerin otyrystarda ǵana emes, áleýmettik jelilerde de ashyq aıtpaq.
Aıta keteıik, búgingi otyrysta Darxan Myńbaı latyn álipbıin qoldanýda "QazAqparattyń" eńbegin erekshe atap ótti. Al Axmet Baıtursynuly atyndaǵy til bilimi ınstıtýtynyń dırektory Erden Qajybek qazaqstandyqtar arasyndaǵy "á", "ó", "ú" sııaqty qazaq áripteriniń latyn nusqasyna qatysty synyna jaýap berdi.