Latyn álipbıi qazaq tilin órkenıetti álemniń mańyzdy bóligi retinde qalyptastyrady
«Biz tarıhı sátti bastan ótkizip otyrmyz. Memleket basshysy Nursultan Nazarbaevtyń qazaq tilin latyn álipbıine kóshirý týraly Jarlyǵyn Otanymyzdyń tarıhyndaǵy asa mańyzdy qujat dep sanaımyz. «Qazaqstan 2050» jalpyulttyq qozǵalysy Elbasynyń bul bastamasyn qoldaıdy jáne ony jarqyn bolashaqtyń kepili dep biledi.
Biz qazaq tiliniń latyn álipbıine kóshýi memlekettiń damýyna oń áserin tıgizetinine senimdimiz. Latyn álipbıi kóptegen tildiń álipbıi retinde qalyptasty. Onyń ishinde túrkitildes elder de bar. Sondyqtan bul álipbı óziniń tıimdiligi men ózektiligin kórsetip otyr.
Latyn álipbıi búgingi kúni mıllıondaǵan adamnyń ortaq murasyna aınaldy. Ondaǵan týysqan el osy álipbı arqyly ózderiniń birligin nyǵaıtyp otyr. Biz, «Qazaqstan 2050» jalpyulttyq qozǵalysy, latyn álipbıi qazaq tilin órkenıetti álemniń mańyzdy bólshegi retinde qalyptastyratynyna, latyn álipbıin qoldanatyn eldermen baılanysymyzdy odan ári nyǵaıta túsetinine senimdimiz.
Latyn álipbıi týraly osy ýaqytqa deıin biraz aıtyldy, ıaǵnı, bul álipbı tehnologııalyq damý úderisinde, halyqaralyq deńgeıde baılanys ornatatyn tilderdiń ózegi retinde qalyptasqanyn jaqsy bilemiz. Qazirgi ýaqytta baǵdarlamalaýdyń barlyq jumysy osy latyn álipbıiniń negizinde jasalady. Osynyń barlyǵy bizdiń elimiz úshin mańyzdy jáne latyn álipbıi bizge de qyzmet etýi tıis. Memleket pen ulttyń damýynyń bastaýynda osyndaı mańyzdy qadamnyń bolýy - uly is.
Latyn álipbıine kóshý máselesi «Qazaqstan 2050» strategııasynyń mańyzdy bóligine aınalýy tegin emes, til - bizge aınalany tanyp, ózimizdi damyta túsý úshin qajet. Sondyqtan, memlekettiń múddesi men basymdyqtaryn eskere otyryp, barlyq azamattyń jumylyp, kúsh biriktiretin ýaqyty keldi.
«Qazaqstan 2050» jalpyulttyq qozǵalysy qazaq tiliniń latyn álipbıine kóshý ıdeıasyn qoldaý arqyly, tildi ultty biriktiretin basty faktor retinde túsinetindigin jetkizgisi keledi.
Biz aldaǵy ýaqytta árbir qazaqstandyqtyń qazaq tiliniń latyn álipbıine kóshýin mańyzdy qadam retinde baǵalap, ýaqyt ótken saıyn onyń qymbat qundylyq ekenin túsinetine senemiz»,-delingen úndeýde.