Latvııa áıelder úshin mindetti áskerı qyzmetti engizýi múmkin

<p>ASTANA. KAZINFORM &ndash; Latvııa 2028 jyly áıelderdi mindetti áskerı qyzmetke shaqyra bastaýy múmkin. Bul týraly Baltyq respýblıkasynyń qorǵanys mınıstri Andrıs Sprýds málimdedi, dep jazady <a href="https://tass.ru/mezhdunarodnaya-panorama/21696651" target="_blank" rel="noopener">TASS.</a></p>

«Árıne, bul búgin nemese erteń bolmaıdy», - dedi Qorǵanys mınıstrliginiń basshysy áıelder úshin áskerı qyzmetti engizý josparyna túsinikteme bere otyryp.

Sprýds 2028 jyl «ońtaıly» bolýy múmkin dep atap ótti. Onyń aıtýynsha, 2028 jylǵa qaraı úkimet áskerge shaqyrylǵandardyń sanyn jylyna 4 myńǵa jetkizgisi keledi. Oǵan deıin úkimet birqatar daıyndyq jumystaryn júrgizip, bul máselege qatysty saıası pikirtalas júrgizýi qajet. Sodan keıin áskerı qyzmetke keletin áıelderge qajetti kıim-keshek, qural-jabdyq, olardyń rezervin jasaý qajet bolady. Latvııa ulttyq qarýly kúshterine qatysty buıryqtar shyǵarylyp qoıylǵan.

Latvııanyń Syrtqy ister mınıstri Baıba Braje de áıelderdi áskerge shaqyrý ıdeıasyn qoldady. Ol «májbúr» sózi jaǵymsyz estilgenimen, áıelderdiń múmkindikteri ǵana emes, jaýapkershiligi de bar ekenin atap ótti. Onyń esebi boıynsha, áıelder úshin mindetti áskerı qyzmet «barlyq adamǵa tıimdi».