«Lashyn» tobynyń ánshileri Baqytbek Esentaevqa qatysty sot protsesine qatysýda
Bul týraly QazAqparat tilshisi habarlady.
Alaıda top músheleri tilshilerge suhbat bergen joq. Toıota Kamrı mashınasyna otyryp, ketip qaldy.
Esterińizge salsaq, Almaty oblysynyń qylmystyq ister jónindegi mamandandyrylǵan aýdanaralyq sotynda Baqytbek Esentaevqa qatysty sot protsesi keshe, 18 qazan kúni bastalyp, búgin jalǵasyn tapty. Іsti qaraý jabyq rejimde ótip jatyr. Baıan Maqsatqyzy 14 qyrkúıek kúni Qaskeleń qalalyq okrýgindegi Almaty oblysy Qarasaı aýdandyq mamandandyrylǵan sotynda ótken sot tyńdaýynda tóbe kórsetpegen bolatyn. Al 18 qazanda bastalǵan alǵashqy sot protsesine prodıýser úlken qyzy Aısəýlemen, sińlisi Baǵym Muhıtdınovamen keldi. Іsti Almaty oblysynyń qylmystyq ister jónindegi mamandandyrylǵan aýdanaralyq sotynyń tóraǵasy Baıjúnisov Berikjan Əbenuly júrgizip jatyr.
B. Esentaevqa QR QK-niń 24-baby 3-bólimi, 99-babynyń 2-bólimi 10-tarmaǵy (zorlaýmen nemese seksýaldyq sıpattaǵy zorlyq-zombylyq áreketterimen ushtasqan adam óltirýge oqtalý) 120-babynyń 1-bólimi (zorlaý) 121-babynyń 1-bólimi (seksýaldyq sıpattaǵy zorlyq-zombylyq áreketteri) boıynsha aıyp taǵylǵan.
Belgili prodıýser, eki balanyń anasy Baıan Maqsatqyzy maýsymnyń 10 kúni birneshe jerden pyshaqtalyp, aýyr jaraqatpen Talǵar aýdanyndaǵy aýrýhanaǵa túsken bolatyn. Ony óltirmek boldy degen kúdikpen óziniń kúıeýi Baqytbek Esentaev ustalyp, qamaýǵa alyndy. Sondaı-aq qazirgi tańda Baıan burynǵy tegine qaıta oralǵan syńaıly. Ol áleýmettik jelidegi paraqshalaryna Baıan Maqsatqyzy degen ózgeris engizgen.