Las-Vegastaǵy GGG - Canelo aıqasynan QazAqparattyń arnaıy tilshisi aqparat taratady

LAS-VEGAS. QazAqparat - Las-Vegasqa álemniń túkpir-túkpirinen Gennadıı Golovkın men Saýl Alvarestiń jankúıerleri jınalýda. «QazAqparat» HAA saıtynda boks jekpe-jegi týraly aqparat taratý úshin osy qalaǵa arnaıy «Qazaqstannyń sport tehnologııalary» JShS bas dırektory, sport sholýshysy Arnur Ibraev keldi.  Ol aıqasqa daıyndyq týraly jáne osy sport oqıǵasy jaıly tolǵanystarmen bólisetin bolady. 

Sports.kz habarlaýynsha, ESPN Deportes jýrnalısi Karlos Narvaes aldaǵy Gennadıı Golovkın men Saýl Alvares jekpe-jegine boljam jasaǵan.

«Kanelonyń» bul aıqasqa joǵary daıyndyqpen keletinine kúmáni keltirmeımin, alaıda Golovkındi jeńýge ol jetkiliksiz bolady dep oılaımyn. GGG - naǵyz orta salmaqtaǵy chempıon, myqty, júregi keń boksshy. Bul meksıkalyq stıldegi eki boksshynyń uly aıqasy bolady. Meniń oıymsha, Golovkın onynshy raýndta nokaýtpen jeńedi», - dedi Narvaes.

16 qyrkúıek kúni AQSh-tyń Las-Vegas qalasyndaǵy «T-Mobile» arenada Gennadıı Golovkın men Saýl Alvarestiń kópten kútken jekpe-jegi ótedi. Aıqasty «Qazaqstan» jáne «Qazsport» telearnalary tikeleı efırden kórsetedi. Ýaqyt aıyrmashylyǵyna baılanysty translıatsııa 17 qyrkúıek kúni saǵat 6:00-de bastalady.