Las-Vegasta Tesla Cybertruck jarylysy: júrgizýshiniń jazbalary tabyldy

<p>ASTANA. KAZINFORM &mdash; &laquo;Bul terakt emes, oıanýǵa shaqyrý&raquo;, &mdash; delingen Mettıý Alan Lıvelsbergerdiń jazbasynda, dep habarlaıdy Kazinform <a href="https://www.aa.com.tr/ru/%D0%BC%D0%B8%D1%80/%D0%B2%D0%BE%D0%B4%D0%B8%D1%82%D0%B5%D0%BB%D1%8C-%D0%B2%D0%B7%D0%BE%D1%80%D0%B2%D0%B0%D0%B2%D1%88%D0%B8%D0%B9-%D0%B0%D0%B2%D1%82%D0%BE%D0%BC%D0%BE%D0%B1%D0%B8%D0%BB%D1%8C-tesla-%D0%BF%D0%B5%D1%80%D0%B5%D0%B4-%D0%BE%D1%82%D0%B5%D0%BB%D0%B5%D0%BC-%D1%82%D1%80%D0%B0%D0%BC%D0%BF%D0%B0-%D0%B2-%D0%BB%D0%B0%D1%81-%D0%B2%D0%B5%D0%B3%D0%B0%D1%81%D0%B5-%D0%BE%D1%81%D1%82%D0%B0%D0%B2%D0%B8%D0%BB-%D0%B7%D0%B0%D0%BF%D0%B8%D1%81%D0%BA%D0%B8/3441802" target="_blank" rel="noopener">Anadolu Ajansı</a>-ǵa silteme jasap.&nbsp;</p>

Las-Vegastaǵy Donald Tramp qonaqúıiniń aldynda jarylǵan Tesla kóliginiń júrgizýshisi óz jazbalarynda bul oqıǵany «oıanýǵa úndeý» dep atady.

AQSh armııasynyń burynǵy sarbazy óz jazbalarynda «oıyn joǵaltqan joldastarynan tazartyp, qor qylǵan ómirlerdiń salmaǵynan arylý kerek» dep jazdy. 

— Bul terakt emes, oıanýǵa shaqyrý. Amerıkalyqtar narazylyqtar men zorlyq-zombylyqqa ǵana mán beredi. Jarylǵysh zatty qoldaný arqyly óz oıymdy jetkizýden basqa qandaı jaqsy ádis bar?, — delingen onyń telefonyndaǵy jazbalardyń birinde.

Sondaı-aq, jazbalarda AQSh «ólimmen aýyryp, kúıreýge bet alǵany» atap ótildi, al jekelegen jazbalarda Ýkraınadaǵy soǵys týraly da aıtyldy.

Federaldyq tergeý bıýrosynyń (FBI) ókili Spenser Evans «oqıǵa jarııa jáne sensatsııalyq bolyp kóringenimen, bul jaraqattan keıingi stresten zardap shekken adamnyń óz-ózine qol jumsaýy sııaqty kórinedi» dedi.

Eske sala ketsek, AQSh-ta Donald Tramptyń qonaqúıiniń janynda Tesla órtke orandy. 

Keıinirek AQSh barlaý agenttikteri Jańa Orleandaǵy terakt pen Cybertruck jarylysynyń baılanysyn zerttep jatqany habarlandy.

Kúdikti Kolorado shtatyda turatyn 37 jastaǵy armııa ardageri Mettıý Lıvelsberger bolyp shyqty.