Las-Vegasta qatty nóser eki adamnyń ómirin qıdy
Eki er adamnyń denesin juma kúni Las-Vegas býlvary kýrorttyq aımaǵynyń janyndaǵy sý arnasynan qoǵamdyq jumys brıgadalary men órt sóndirýshiler tapty. Klark okrýginiń bıligi qaza tapqandardyń kim ekenin jáne ólim sebepterin birden anyqtaǵan joq.
Oıynhanalar qalasy keıingi onjyldyqtaǵy eń qarqyndy mýsson maýsymyn ótkerip jatyr. Ulttyq meteorologııalyq qyzmettiń málimetinshe, bıyl munda 32,5 mm jaýyn-shashyn jaýǵan. Bul – 2014 jyldan bergi eń joǵarǵy kórsetkish.
Las-Vegastaǵy ulttyq meteorologııalyq qyzmet sý tasqyny, nóser jańbyr, naızaǵaı jáne ekpindi jel bolatyny týraly eskertý jasady.
Tasqyn sýlar kólik qozǵalysyn buzdy. Sonymen qatar, turǵyn úıler men birneshe kazınoǵa zııan keltirdi. Qutqarýshylar aǵyn sýda turyp qalǵan kólikter týraly úsh ret shaqyrtý qabyldaǵan. Kólik júrgizýshiler aman-esen shyǵaryldy. Las-Vegas qalasynyń bıligi turǵyndarǵa sý basqan aýmaqtarda kólikpen júrmeýge jáne basqa aınalma joldardy izdeýge nemese sý tasqyny basylǵansha kútýge keńes berdi.
Klark okrýginiń sý tasqynymen kúres aımaqtyq basqarmasynyń málimetinshe, Las-Vegas alqabyndaǵy iri mýssondyq maýsym sońǵy ret 2012 jyly bolǵan. Ol kezde 76 mm-den astam jaýyn-shashyn túsip, eki adamnyń ómirin qıǵan.
Vıdeodan alynǵan kadr/cbsnews.com