Las-Vegasta ánuran oryndaýǵa daıyndalyp jatqan Dımash Golovkınge senetinin aıtty

LAS-VEGAS. QazAqparat – Dımash Qudaıbergen Gennadıı Golovkın men «Kanelo» jekpe-jeginiń qazaqstandyq boksshy úshin jeńispen aıaqtalatynyna senimdi. Bul týraly ánshi áleýmettik jelidegi paraqshasynda jazdy, dep habarlaıdy QazAqparat.

«

Erteń kóriskenshe. Men senemin. Gena jeńiske jetedi

«, - deıdi ánshi.

Ol jekpe-jek ótetin Las-Vegastyń T-Mobile Arena kesheninde bolyp, sharshy alańda óner kórsetýge daıyndalyp jatyr.

Buǵan deıin habarlaǵanymyzdaı, Gennadıı Golovkınniń arnaıy shaqyrtýymen Dımash Qudaıbergen GGG-Canelo úshinshi jekpe-jegi aldynda Memlekettik ánuranymyzdy oryndap, sportshyǵa qoldaý bildiredi.

Aıta ketsek, IBF jáne WBA boıynsha álem chempıony Gennadıı Golovkın men meksıkalyq Saýl «Kanelo» Alvarestiń jekpe-jegin «Qazaqstan» jáne «Qazsport» arnalary tikeleı efırden kórsetedi.

Jekpe-jek Nur-Sultan ýaqytymen 18 qyrkúıek kúni saǵat 5:00-de bastalady.

Boksshylar bul kezdesýde ekinshi orta salmaqtaǵy absolıýtti álem chempıony ataǵyn sarapqa salady.