Lańkestikke qatysty qazaqstandyq Túrkııadan ekstradıtsııalandy

ASTANA. QazAqparat - Búgin QR Bas prokýratýrasy jáne Ulttyq qaýipsizdik komıtetiniń qyzmetkerleri qylmystyq jaýaptylyqqa tartý úshin Eldos Kúnshyǵarovty Túrkııadan ekstradıtsııalady, dep habarlaıdy QazAqparat vedomstvonyń baspasóz qyzmetine silteme jasap.

Bas prokýratýra baspasóz qyzmetiniń málimetinshe, ol 2011 jyly Atyraý qalasynyń aýmaǵynda terrorıstik qylmystardy jasaǵany úshin kúdiktelgen.

Eldos Kúnshyǵarov zańǵa qaıshy áreketinen keıin izin jasyrǵan edi. Osyǵan baılanysty oǵan halyqaralyq izdeý jarııalandy.

«Qazaqstannyń qylmystyq qýdalaý organdarynyń túrik áriptesterimen ózara úılesimdi is-qımylynyń nátıjesinde kúdikti elge jetkizildi.

Qazir Kúnshyǵarov Atyraý qalasyndaǵy tergeý ızolıatoryna ornalastyryldy. Sot úkimi shyǵarylǵanǵa deıin sonda bolady», - delingen habarlamada.

Eske sala ketsek, 2012 jyly qyrkúıekte Aýǵanstanda modjahedter jaǵynda soǵysyp júrgen jáne Qazaqstanda astyrtyn lańkestik toptardy basqarǵan 9 atyraýlyqtyń esimi jarııa etilgen bolatyn. Solardyń qatarynda Eldos Kúnshyǵarovtyń aty da ataldy.