Lańkesterdiń ulty joq – Qyrǵyzstan UQK tóraǵasy Reseıdegi lańkestik áreket týraly

<p>BІShKEK. KAZINFORM &ndash; Qyrǵyzstannyń Ulttyq qaýipsizdik memlekettik komıtetiniń tóraǵasy áleýmettik jelidegi paraqshasynda Reseıde bolǵan lańkestik áreket týraly aıtty.&nbsp;</p>

Arnaıy qyzmet basshysy Qyrǵyzstan «Krokýs Sıtı Holda» bolǵan oqıǵaǵa qatysty qaıǵyryp otyrǵanyn atap ótti.

«Lańkesterdiń ulty joq jáne Reseıde ultaralyq arazdyqty qozdyrýǵa jáne mıgranttarǵa qarsy qoıýǵa múddeli lańkestik uıymdardyń músheleriniń jetegine erip, bolǵan oqıǵaǵa tutas bir halyqty kinálaý orynsyz. Men óz tarapymnan Tájikstan Respýblıkasy arnaıy qyzmetiniń tutastyǵyn basa aıta alamyn, olardyń terrorıstik jáne ekstremıstik uıymdarmen kúresi ádettegideı tynymsyz jalǵasýda», - dep jazdy ol. 

K.Tashıevtiń aıtýynsha, arandatýshylardyń yqpalyna kez kelgen memlekettiń azamattary túsýi múmkin. 

«Alaıda lańkestik áreketke tapsyrys bergenderdiń bir ult ókilderin tańdaýy kezdeısoq emes. Baýyrlas elderdiń arnaıy qyzmetteriniń birlesken kúsh-jigeri «jalǵan ıslamıster» dep atalatyndardyń qylmystyq maqsattarynyń júzege asýyna jol bermeıdi dep senemin», - dep túıindedi ol.