Lańkester «vırtýaldy halıfat» qurýy múmkin

BRıÝSSELЬ. QazAqparat - DAISh lańkestik toby (Qazaqstanda tyıym salynǵan) Sırııa men Irakta jeńilis tapqannan keıin Internette shabýylyn jalǵastyryp, «vırtýaldyq halıfat» qurýy múmkin. Mundaı pikirdi EO-nyń lańkestikpen kúres jónindegi úılestirýshisi Jıl de Kershov belgııalyq Le Soir basylymyna bergen suhbatynda aıtty, dep habarlaıdy «QazAqparat» HAA tilshisi.

Jıl de Kershov «vırtýaldyq halıfat» qaýpi bar ekenin atap ótti jáne «Internette nasıhattaýdy azaıtý jáne oǵan qarsy nasıhatty jetildirý»  qajettigin eskertedi.  Onyń aıtýynsha, «Evropol» eýropalyq  quqyq qorǵaý agenttiginde táýlik boıy radıkaldyq kontınentti anyqtaıtyn 20 mamannan turatyn komanda jumys isteıdi. 

 «Olar qazirdiń ózinde 30 myń saıt týraly habarlady», - dedi Kershov. Ol sondaı-aq terrorızmmen kúreste azamattardyń róli men adamdardy «radıkaldaný belgilerin» anyqtaýǵa oqytý qajettigin atap ótti. Lańkestikke qarsy vedomstvo basshysy EO zańnamasy ınternet-qyzmetti jetkizýshilerden qupııalyqqa baılanysty óz klıentteri jaıly «metaaqparatty» jınap, saqtaýdy talap etpeıtinine qatysty syn aıtty. Bul onyń aıtýynsha, tergeýge zııan keltirýde.