Lańkester men qaraqshylardy halyq qaharmany deýge bolmaıdy - Toqaev

NUR-SULTAN. QazAqparat – QR Prezıdent Qasym-Jomart Toqaev «Qazaqstan» telearnasyna bergen suhbatynda qańtar tragedııasy kezinde buzaqylyqqa ralasqan azamattar týraly pikir bildirdi, dep habarlaıdy QazAqparat tilshisi.

«Buzaqylar týraly máselege kelsek. Keıbir adamdar jazyqsyz azamattardy esh sebepsiz qamaýǵa aldy dep oılaıdy da, osyndaı jalǵan urandardy el ishinde taratady. Biraq, mynany umytpaýymyz kerek, solardyń ishinde lańkester de, qylmyskerler de bar. Qarańyzshy, myńdaǵan adam qalany qıratyp, naǵyz terrorıstik áreketterge bardy. Biraq, qazir bári jaı ǵana beıbit azamattar bolyp shyqty. Buǵan kim senedi? Jalpy, lańkesterdi, qaraqshylardy halyq qaharmandary, batyrlary dep aıtýǵa bolmaıdy. Bul – eshqandaı shyndyqqa kelmeıtin jalǵan ýáj», - dedi Prezıdent.

Memleket basshysy bolǵan istiń aqıqatyna kóz jetkizbese, mundaı qaýip qaıtalanýy múmkin ekenin eskertti.

«Elimizge taǵy bir úlken qaýip tóndiremiz. Bul qaraqshylardy Qazaqstanǵa shaqyrý degen sóz. Sondyqtan atalǵan máselede biz óte saq bolýymyz kerek. Árbir is boıynsha muqııat tergeý júrgizýimiz qajet», - dedi Qasym-Jomart Toqaev.