Lamın ıAmal Eýropa chempıonatynyń eń úzdik jas oıynshysy atandy

<p>ASTANA. KAZINFORM - Ispanııa quramasynyń shabýylshysy Lamın ıAmal fýtboldan Eýropa chempıonatyyń eń úzdik jas oıynshysy atandy.</p>

Ispanııalyq fýtbolshy qurlyqtyq dodada 13 shildede 17 jasqa toldy. Osylaısha atalǵan týrnırdiń tarıhynda chempıon atanǵan eń jas oıynshy atandy.

Sondaı-aq ol Eýropa chempıonatynyń eń úzdik jas oıynshysy ataǵyna laıyq dep tanyldy.

Lamın ıAmal týrnır barysynda jeti oıynnyń barlyǵyna qatysty. Bir márte gol soqsa, tórt márte nátıjeli pas berdi.

Fınaldyq oıynda áriptesi Nıko Ýılıamstiń gol soǵýyna múmkindik jasady.

Aıta ketsek, Ispanııa quramasy 14 shildede fınalda Anglııany 2:1 esebimen súrindirdi.

Kezdesýde olardyń qatarynan Nıko Ýılıams 47, Mıkel Oıarsabal 86-mınýtta mergendik tanytsa, oǵan 73-mınýtta Anglııa sapynan Koýl Palmer bir golmen jaýap qaıyrdy.

Eýropa chempıonaty 1960 jyldan beri uıymdastyrylyp keledi. Qazirge deıin barlyǵy 10 qurama qurlyqtyq dodada altynnan alqa taqty.

Qazirge deıin Ispanııa – 4, Germanııa – 3, Italııa, Frantsııa – 2, KSRO, Portýgalııa, Chehoslovakııa, Nıderland, Danııa men Grekııa – 1 márteden jeńis tuǵyryna kóterildi.