Lamberto Zaner EQYU Bas hatshysy bolyp qaıta saılandy
02:14, 16 Mamyr 2014
VENA. QazAqparat - EQYU-ǵa múshe-memleketterdiń syrtqy ister mınıstrleri EQYU-nyń qazirgi Bas hatshysy Lamberto Zanerdiń merzimin ekinshi úsh jyldyqqa sozý týraly sheshim qabyldady, dep habarlaıdy atalǵan uıymnyń baspasóz qyzmetine silteme jasap sheteldegi menshikti tilshimiz Syzdykov Dımash.
EQYU tóraǵasy jáne Shveıtsarııa Syrtqy ister mınıstri Dıde Býrkhalter L. Zanerdiń qaıta saılanýyn maquldap, uıymnyń ortaq qundylyqtaryn ilgeriletýde, onyń tıimdi qyzmetin qamtamasyz etýde jáne ortaq qaýipterdiń aldyn alýda atqarǵan eńbegine zor alǵysyn bildirdi.
«Uıymǵa múshe-memleketterdiń qaýipsizdik salasyndaǵy máselelerin eskere otyryp, EQYU dıalog pen ortaq sheshimder qabyldaý úshin mańyzdy alańǵa aınalyp kele jatqanyn atap ótkim keledi», - dedi D.Býrkhalter. Bıyl 60 jasqa tolatyn Lamberto Zaner EQYU-da Italııanyń ókili. 2011 jyldan beri atalǵan uıymnyń Bas hatshysy qyzmetin atqaryp keledi. Ár jyldary EQYU Shıelenisterdiń aldyn alý ortalyǵyn basqardy jáne BUU-nyń Kosovodaǵy arnaıy ókili boldy.