La Skala men «Astana Opera» teatrlary fýtboldan jarysqa túsedi

ASTANA. QazAqparat - Jeksenbi, 3 qyrkúıek kúni saǵat 14:30-da «Astana Arena» stadıonynda La Skala men «Astana Opera» teatrlarynyń, QR Mədenıet jəne sport mınıstrliginiń quramalary arasynda fýtboldan joldastyq match ótedi, dep habarlaıdy QazAqparat teatrdyń baspasóz qyzmetine silteme jasap.

Sonymen qatar, əýesqoı sporttyq jarysta gastrolderdiń biryńǵaı jeke demeýshisi - ıtalıandyq energetıkalyq «Eni» kompanııasy men astanalyq teatrdyń əleýmettik seriktesi - «Samruk-Kazyna Trust» qorynyń komandalary qatysady. Ańyzǵa aınalǵan mılandyq teatrdyń gastrolderi «EKSPO-2017» halyqaralyq kórmesi aıasynda 1-9 qyrkúıek aralyǵynda «Astana Opera» sahnasynda bolady.

Gastroldik sapar barysyndaǵy osyndaı fýtboldyq kezdesýlerdi ótkizý Italııanyń basty operalyq ujymynyń jaqsy bir dəstúrine aınalǵan, bul úrdis jıyrmasynshy ǵasyrdyń 70-shi jyldarynan bastaý alǵan edi. Qos teatrdyń komandalary tuńǵysh ret La Skala balet trýppasynyń Astana kúnin merekeleý qarsańyndaǵy alǵash qazaqstandyq gastroli kezindegi joldastyq matchta kezdesken bolatyn.

Matchtan keıin dostyq pen qurmet belgisi retinde komandalar dəstúr boıynsha fýtbolkalarymen almasyp, ər top oıynshysynyń qoltańbasy jazylǵan doptardy bir-birine syıǵa tartty. Italıandyq komandanyń astanalyq teatrǵa syılaǵan doby «Astana Operanyń» murajaıynda saqtaýly.