L.N. Gýmılev atyndaǵy Eýrazııa ulttyq ýnıversıtetinde tarıh fakýlteti qaıta qurylatyn boldy

ASTANA. 14 tamyz. QazAqparat - Astanadaǵy L.N. Gýmılev atyndaǵy Eýrazııa ulttyq ýnıversıtetinde tarıh fakýlteti ashylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda atalǵan joǵary oqý ornynyń rektory, tarıh ǵylymdarynyń rektory Erlan Sydyqov málim etti.

«Atap aıtqanda biz naqty tapsyrmalar aldy. Onyń ishinde joǵary oqý oryndarynda tarıh kafedralaryn qalpyna keltirý, sonymen qatar klassıkalyq joǵary oqý oryndarynda tarıh fakýltetterin ashý, buǵan qosa mınıstrlikke berilgen tapsyrma aıasynda tarıh mamandyǵyna bilim granttardyń sanyn kóbeıtý máseleleri sheshimin tabýda», - dedi rektor.

«Ýnıversıtette tarıh salasynyń bilikti mamandary men ǵalymdary barshylyq. Osy oraıda bıyl oılanyp, ýnıversıtette tarıh fakýltetin ashýdy kózdep, bul turǵyda tıisti sheshimdi ázirlep otyrmyz»,-dedi E. Sydyqov.

Aıta keteıik, Eýrazııa ulttyq ýnıversıtetinde 30 jyl buryn, ıaǵnı kezinde Tselınograd pedagogıkalyq ınstıtýty bolyp turǵan kezde tarıh fakýlteti bolǵan edi.

Esterińizge sala keteıik, eki aı buryn Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysynda Memlekettik hatshy Marat Tájın Qazaqstan tarıhyn zertteýge qatysty birqatar mańyzdy maqsat-mindetterdi júktegen bolatyn. Onyń ishinde M. Tájın tarıhı kafedralardy jabýdy toqtatyp, kerisinshe olarda qaıta jandandyrý máselesin kóterdi.