L.Kýkal: «Nýrly jol» - jańa ekonomıkalyq saıasaty jahandyq syn-qaterlerge zamanaýı jaýap bola bildi

ASTANA. KAZINFORM - N. Nazarbaevtyń «Nurly jol» - jańa ekonomıkalyq saıasaty jahandyq syn-qaterlerge zamanaýı jaýap bola bildi, - dedi «Radıo Praga» redaktory L. Kýkal.

«Prezıdent Joldaýy der kezinde jarııalandy. Merziminen buryn joldanǵan qujat Qazaqstan Úkimetine qazirgi tańda qalyptasqan jaǵdaıǵa oraı el bıýdjetine ózgerister engizýge, ony iske asyrýmen aınalysýǵa múmkindik beredi. Onda ınfraqurylymdyq jobalardy iske asyrý, Ulttyq qordan qomaqty qarjy bólý máseleleri qozǵaldy. Keden odaǵy - halyqaralyq yntymaqtastyǵynyń múmkindikterin, Jibek joly ekonomıkalyq beldeýin keńinen paıdalaný - daǵdarysty eńserý joldary bolmaq», - dedi L.Kýkal.

«Daǵdarys - adamzat aldyndaǵy jańa ekonomıkalyq ósimge serpin ekenin atap ótkim keledi. «Nurly jol - bolashaqqa bastar jol» jańa ekonomıkalyq saıasaty - jahandyq syn-qaterlerge zamanaýı jaýap bola bildi, - dep qosty ol.