«Qyzyljar» saýda-logıstıkalyq haby qurylady
«Qyzmettik belsendilikti damytý úshin eldiń ákimshilik ortalyqtarymen baılanysyn qamtamasyz etý úshin avıareıster sany aıyna 16-dan 68-ge deıin artady. Óńirde týrıstik áleýetti kúsheıtý jáne sportty damytý maqsatynda Imantaý-Shalqar kýrort aımaǵynda kópfýnktsıonaldy týrıstik keshen salý qamtamasyz etiledi. Bul jylyna 100 myńnan 280 myń týrıstke deıin kóbeıtýdi qamtamasyz etedi. Budan basqa, 100 adamǵa arnalǵan qonaq úıi bar sport ortalyǵynyń, sondaı-aq Petropavl qalasynda 3 myń orynǵa kópfýnktsıonaldy sport saraıy salynady», - dedi mınıstr.
Budan basqa, kásipkerlikti damytý maqsatynda «Bıznestiń jol kartasy – 2025» baǵdarlamasy aıasynda kásipkerlerdiń kredıtteri boıynsha syıaqy mólsherlemesin sýbsıdııalaý jáne kepildik berý, jańa bıznes-ıdeıalardy iske asyrý úshin memlekettik granttar berý, sondaı-aq bıznes sýbektilerine qajetti ınfraqurylymdy jetkizý kózdelgen.
Budan buryn habarlanǵandaı, búgin Úkimet otyrysynda QR Ulttyq ekonomıka mınıstri Áset Erǵalıev Soltústik Qazaqstan oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi josparyn tanystyrdy. Jospardy iske asyrýdyń jalpy somasy 1,8 trln teńge.