«Qyzyljar» komandasyna bas bapker taǵaıyndaldy

NUR-SULTAN. QazAqparat - Petropavldyń «Qyzyljar» fýtbol komandasyna bas bapker bolyp moldovalyq maman Vıacheslav Rýsnak taǵaıyndaldy, dep habarlaıdy QazAqparat tilshisi klýbtyń baspasóz qyzmetine silteme jasap.

Vıacheslav Rýsnak 1975 jyly Moldovanyń Beltsy qalasynda dúnıege kelgen. Sporttyq mansabyn 1992 jyly jergilikti «Olımpııa» komandasynda bastady. 2004-2010 jyldarda Qaraǵandynyń «Shahter» komandasynyń namysyn qorǵady.

2011 jyldan beri bapkerlikpen aınalysyp keledi. Sońǵy qyzmet etken orny - Moldovanyń «Mılsamı» komandasy. Atalmysh klýb 2017 jyly óz elinde kúmis júldeger atandy.

Sondaı-aq, «Qyzyljar» komandasynyń bapkerler quramyna ıÝrıı Chýhleba, Andreı Matsıýra, Aleksandr Petýhov jáne Aleksandr Kýchma kirdi.

«Qyzyljar» byltyr birinshi lıgada synǵa túsip, birinshi oryn aldy. Nátıjesinde bıyl Premer-lıgada baq synaýǵa múmkindik aldy.

Budan buryn Alı Alıevtiń «Qyzyljar» komandasyndaǵy bas bapker qyzmetinen ketkenin jazǵan bolatynbyz.

Foto: footballhd.ru