«Qyzyljar» qaıtadan kósh basyna shyqty

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 9-týryndaǵy eki oıynnyń nátıjesi belgili boldy, dep habarlaıdy QazAqparat tilshisi.

Alǵashqy oıynda Pavlodar oblysynyń «Aqsý» komandasy óz alańynda Aqtaýdyń «Kaspııin» qabyldady.

Kezdesý taǵdyryn 17-mınýtta aqtaýlyq klýbtan Dmıtrıı Podstrelov soqqan jalǵyz gol sheshti. Osylaısha «Kaspıı» qarsylasynan 1:0 esebimen basym tústi.

Aıta ketsek, aqtaýlyq klýb qatarynan ótken tórt oıynda bir ret te jeńilmedi. Eki márte jeńiske jetip, ekeýinde teń oınady. Nátıjesinde týrnır kestesinde jaǵdaıyn jaqsartyp keledi.

Al alty týr qatarynan jeńiske jetip, sońǵy eki kezdesýde tórt upaı joǵaltqan Petropavldyń «Qyzyljary» óz alańynda Taldyqorǵannyń «Jetisýyn» 1:0 esebimen súrindirdi. Alań ıeleri qatarynan Maksım Chıkanchı 72-mınýtta mergendik tanytty.

Petropavldyq klýb qaıtadan kósh basyna shyqty.

Dál qazir «Atyraý» men «Shahter» (Qaraǵandy) kezdesýi ótip jatyr. Ázirge esep - 0:0.

Al 21:00-de «Maqtaral» (Túrkistan oblysy) men «Ordabasy» (Shymkent) sheberlik baıqasady.

Sondaı-aq, 14 mamyrda «Oqjetpes» (Kókshetaý) pen «Astana» oınasa, «Qaırat» (Almaty) pen «Aqtóbe», «Qaısar» (Qyzylorda) men «Tobyl» (Qostanaı) komandalary oınaıdy.