«Qyzyljar» Fýtbol komandasy kósh basyna shyqty

ASTANA. QazAqparat – Búgin fýtboldan Premer-lıga komandalary arasyndaǵy el birinshiliginiń 4-týrynda taǵy eki oıynnyń nátıjesi belgili boldy, dep habarlaıdy QazAqparat tilshisi.

Alǵashqy úsh týrda birde-bir márte jeńilip kórmegen «Aqtóbe» men «Qyzyljar» ózara sheberlik baıqasty.

Oıyn barysynda komandalar gol soǵatyn múmkindikterdi izdedi. Nátıjesinde, «Qyzyljar» oıynshysy Lýka Imnadze 35, al Pernambýko 56-mınýtta mergendik tanytty.

Oıynnyń 70-mınýtynda aqtóbelik Álibek Qasym penaltıden esep aıyrmasyn qysqartsa, petropavldyq ıÝrıı Býshman penaltıden qorytyndy esepti belgiledi.

Osylaısha, «Aqtóbe» qarsylasyna 1:3 esebimen jol berdi.

Tórt oıynda birde-bir upaıdan shashaý shyǵarmaǵan «Qyzyljar» týrnır kestesinde kósh basyna shyqty.

Al, «Atyraý» óz alańynda Kókshetaýdyń «Oqjetpesin» qabyldady. Kezdesýde kókshetaýlyq klýbtan Srdjan Dmıtrov 43, Vıktor Gýnchenko 53, Shoqan Abzalov 63, Ivan Brıkner 91-mınýtta kózdegen nysanadan múlt ketken joq.

Nátıjesinde, «Oqjetpes» syrt alańda «Atyraýdy» 4:0 esebimen tize búktirdi.

Eske salsaq, budan buryn qyzylordalyq «Qaısar» syrt alańda aqtaýlyq «Kaspııden» 3:1, «Aqsý» óz alańynda «Maqtaraldan» 2:1 esebimen basym tústi.

Sondaı-aq, «Shahter» men «Qaırat» jáne «Jetisý» men «Tobyl» 1:1 esebine qanaǵat bildirdi.

Dál qazir «Astana» men «Ordabasy» (Shymkent) kezdesýi bastaldy.