«Qyzyljar» el birinshiliginde alǵash ret upaı joǵaltty

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 7-týrynda petropavldyq «Qyzyljar» alǵash ret upaı joǵaltty, dep habarlaıdy QazAqparat tilshisi.

Petropavldyq klýb óz alańynda aqtaýlyq «Kaspıı» komandasyn qabyldady.

El birinshiliginde «Qyzyljar» sátti oıyn kórsetip keledi. Qazirge deıin alty kezdesýdiń barlyǵynda jeńiske jetip, týrnır kestesinde 18 upaımen kósh basynda turǵan edi.

Al qatarynan bes márte jeńilip, ótken týrda alǵash ret úsh upaıǵa ıe bolǵan «Kaspıı» sońǵy orynnyń birin mise tutty.

Búgingi kezdesýde petropavldyq komanda alǵashqy mınýttarda jınaqy qımyldaı bildi. Nátıjesinde 3-mınýtta «Qyzyljar» sapynan Tamaz Makatsarııa esep ashty. Al 19-mınýtta olardyń qaqpasyna penaltı belgilendi. Ony Alekseı Zaleskıı múltiksiz oryndady.

Osylaısha «Qyzyljar» birinshilikte alǵash ret teń túsip, upaı joǵaltty. Soǵan qaramastan týrnır kestesindegi birinshi oryndy saqtap qaldy.

Endi 17:00-de «Maqtaral» (Túrkistan oblysy) men «Jetisý» (Taldyqorǵan) komandalary oınaıdy.

Al 23 sáýirde «Oqjetpes» (Kókshetaý) pen «Shahter» (Qaraǵandy), «Atyraý» men «Aqsý» (Pavlodar oblysy), «Tobyl» (Qostanaı) men «Aqtóbe», «Qaırat» (Almaty) pen «Ordabasy» (Shymkent). «Qaısar» (Qyzylorda) men «Astana» komandalary kezdesedi.