Qyzylordanyń óner ujymy Orynbordaǵy qandastardy Naýryzben quttyqtap qaıtty

QYZYLORDA. QazAqparat - Qyzylorda oblystyq fılarmonııa ujymy Reseı Federatsııasynyń Orynbor qalasyndaǵy qandastarymyzǵa «Naýryz-dýman» merekelik kontsertin tartý etip qaıtty, dep habarlady QazAqparat HAA tilshisi.

Gastroldik saparmen Sol-Iletsk, Belıaevka, Dımıtrovskıı, Novorsk aýdandaryna barǵan ujym quramynda «Tomırıs» bı ansambli, Ú.Medeýova, N.Nuraddınova, O.Nuralıev, B.Moldabergenov, Z.Baımurzaevalar óner kórsetti.  

Qazaqstannyń alǵashqy astanasyna Syr boıynan jetken ujymdy jergilikti halyq qoshemetpen qarsy aldy. Fılarmonııa ónerpazdary jergilikti kórermenderge dástúrli óner men zamanaýı janrlar qatar órilgen kontserttik baǵdarlama tartý etip, orynborlyqtardyń yqylasyna bólendi.