Qyzylordalyq jigitter ulttyq at sporty oıyndarynan synǵa tústi
Atalmysh shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» baǵdarlamalary aıasynda uıymdastyryldy.
Qyzylorda oblystyq dene shynyqtyrý jáne sport basqarmasy, Shıeli aýdany ákimdiginiń qoldaýymen ótkizilgen shara bıyl elimizde jarııalanǵan Jastar jylyna oraılastyryldy.
Jigitter saıysy aýdandaǵy Bala bı aýylynyń ortalyq stadıonynda ótkizildi. «Jigit sultany-2019» atty oblystyq jigitter baıqaýyna 7 aýdannan 18-29 jas aralyǵyndaǵy barlyǵy 14 ónerpaz jastar qatysty.
Baıqaý barysynda jigitter 6 kezeń boıynsha synǵa tústi. Aldymen salt-dástúr boıynsha ózderin tanystyrǵan saıyskerler kelesi kezekte jamby atý saıysynda mergendigin kórsetti. Odan keıin qol kúres, qazaqsha kúres, teńge alý, aýdaryspaq sekildi saıystarda synǵa tústi.
Baıqaý qortyndysy boıynsha bas júlde Shıeli aýdany Bala bı aýylynyń turǵyny Dastan Jaqypovqa buıyrdy. Odan keıingi oryndarda syrdarııalyq Baqytjan Ańlamasov pen jalaǵashtyq Zada Nurhadil aldy.
Budan buryn Syǵanaq qalashyǵynan altyn buıymdar tabyldy