Qyzylordalyq jigit áleýmettik jelide tanysqan qyzdy dostarymen kelip tonap ketti

QYZYLORDA. QazAqparat - Qyzylordalyq jigit áleýmettik jelide tanysqan qyzdy dostarymen kelip tonap ketti, dep habarlaıdy QazAqparat tilshisi.

Qyzylorda qalalyq Polıtsııa basqarmasyna áıel azamatsha habarlasqan. Onda belgisiz azamattyń onyń úıine kelip, qorqytý arqyly uıaly telefony men aqshasyn tartyp alyp ketkeni aıtylǵan.

«Azamatsha áleýmettik jelide bir azamatpen tanysyp, ony úıge shaqyrǵan. Arada 30 mınýttaı ótkende úıge tanysqan jigit pen onyń dosy kelgen. Artynan taǵy eki azamat kirigen. Tórteýi qyzdy qorqytyp, telefony men aqshasyn tartyp alyp ketken», - dep málim etti Qyzylorda oblystyq polıtsııa departamentinen.

Vedomstvo málimetinshe, atalǵan derek QR Qylmystyq kodeksiniń 191-babynyń 2-bóliginiń 1-tarmaǵymen (Adamdar tobynyń aldyn ala sóz baılasýymen jasalǵan tonaý) tirkelgen. Qazir sotqa deıingi tergep-tekserý bastaldy.