Qyzylordalyq jetkinshekterge «Ólketaný» kýrsy oqytylady

QYZYLORDA. QazAqparat - Qyzylorda oblysynda mektep-lıtseı, mektep-lıtseı-ınternat, mamandandyrylǵyn mektepter men bilimgerler akademııasyn qurý arqyly bilimniń sapasyn basqarý júıesi qalyptastyrylýda, dep habarlaıdy QazAqparat tilshisi oblystyq bilim basqarmasyna silteme jasaı otyryp.

Bul baǵytta árbir aýdan ortalyqtarynda mektep-lıtseı-ınternat qurý uıymdastyrylýda. Bul bilim berý uıymdarynda Syr eliniń daryndylary men ǵalymdary birlese jumys jasamaq.

«Rýhanı jańǵyrý» baǵdarlamasy aıasynda respýblıka boıynsha negizgi orta bilim berý deńgeıiniń 5-7 synyptarynda 2018-2019 oqý jylynan bastap ár aımaqtyń erekshelikterine negizdelgen «Ólketaný» kýrsy oqytylatyn bolady.

Búgingi kúni oqý júktemesi 20 saǵat kóleminde bolatyn atalǵan «Ólketaný» kýrsynyń úlgilik oqý baǵdarlamasy bekitildi.

«Ólketaný» kýrsynyń maqsaty - týǵan ólkeniń qalyptasýy men damýyn keshendi sıpattaıtyn geografııalyq, tarıhı, mádenı, tabıǵı jáne basqa da faktorlar týraly bilim qalyptastyrý; týǵan elge degen súıispenshilik sezimge, qorshaǵan tabıǵı ortany aıalaýǵa tárbıeleý bolyp tabylady.

Oblys ákiminiń qoldaýymen búgingi kúni «Ólketaný» kýrsynyń avtorlar toby jasaqtalyp, tıisti jumystar júrgizilýde. Oqý kýrsynyń mazmuny qyrkúıek aıynda daıarlanyp, «Bilim» baspasyna usynyldy.

Elbasy elimizdi modernızatsııalaýdyń sara jolyn jarııalady. Ol tehnologııalyq ilgerileý, rýhanı jańǵyrý jáne ekonomıkalyq órkendeýge negizdelgen. Rýhanı jańǵyrý jolynda ult tárbıesi basty basymdy bolyp tabylady. Mine, osy ult tárbıesi máselesinde ejelden san alýan mádenıet pen órkenıettiń toǵysy bolǵan Syr ólkesiniń tabıǵaty pen tarıhy, sharýashylyǵy men saıasaty, mádenıeti men adamdardyń tirshilik áreketin qosyp oqýshylarǵa aýqymdy bilim men tárbıe beretin ólketaný pániniń orny erekshe.

Prezıdenttiń ár jylǵy Joldaýlarynda bilim salasyna qatysty naqty atqarylar aıqyndalǵan. Al «Ult jospary bes ınstıtýtsıonaldyq reformany júzege asyrý jónindegi 100 naqty qadam» eńbeginde de bilim salasynda oryn alýy tıis mindetter naqtylanǵan. Ondaǵy 76-qadamda: EYDU elderi standarttarynyń negizinde adam kapıtalynyń sapasyn kóterý, 12 jyldyq bilim berýdi kezeń-kezeńimen engizý fýnktsııalyq saýattylyqty damytý úshin mekteptegi oqytý standarttaryn jańartý mindetimen birge joǵary synyptarda janbasylyq qarjylandyrýdy engizý, tabysty mektepterdi yntalandyrý júıesin qurý tapsyryldy.

Sondaı-aq osy qujattyń 77-qadamynda: Ekonomıkanyń alty negizgi salasy úshin on aldyńǵy qatarly kolledj ben on joǵary oqý ornynda bilikti kadrlardy ázirleý, keıinnen bul tájirıbeni elimizdiń basqa oqý oryndaryna taratý týraly naqty tapsyrma berildi. Bul degeninińiz naryq zamany týdyryp otyrǵan qajettilik.