Qyzylordalyq jastarǵa kásipkerlikti damytý úshin 70 mln teńge beriledi
«Ulttyq joba aıasynda shaǵyn kásipkerlikti qoldaý, jańa bıznes-ıdeıalardy iske asyrýǵa járdemdesý maqsatynda jyl saıyn 5 mıllıon teńgege deıin qaıtarymsyz memlekettik granttar berý konkýrsy uıymdastyrylady. Bıyl memlekettik granttar berýge 115 mıllıon 518 myń teńge bólingen. Onyń ishinde, 70 mıllıon teńge qarjy tek 29 jasqa deıingi jas kásipkerlerdiń jobalaryna arnalyp otyr. Bul qarjy aıasynda kezekti konkýrstyq irikteý osy jyldyń qyrkúıek aıynda ótkiziletin bolady», - dedi Azamat Bıǵalıuly.
Memlekettik grant konkýrsyn ótkizý úshin Úkimetpen arnaıy qaǵıda belgilengen. Jyl basynda qaǵıdaǵa ózgerister engizildi. Onda áleýmettik osal toptaǵy azamattarǵa buryn-sońdy qarastyrylǵan jeńildikter alynyp tastaldy. ıAǵnı, buryn bul sanattaǵy kásipkerlerden jańashyl bıznes-ıdeıamen qatysý, grant somasyn birlesip qarjylandyrý talap etilmeıtin. Bıyldan bastap konkýrsqa qatysýshy barlyq kásipkerlerge qoıylatyn mindetti shart – grant somasynyń 20% kóleminde birlesip qarjylandyrýy, jumys oryndaryn qurýy qajet, - dedi A.Qaıýpov.
«Beriletin granttyń maksımaldy somasy – 5 mıllıon teńgeni quraıdy. Memlekettik granttar – kásipkerlerdiń ótinimderin irikteý boıynsha ótkiziletin konkýrstardyń qorytyndylary negizinde kásipkerlik jáne ónerkásip basqarmasymen beriledi. Konkýrstyq irikteýge – áleýmettik kásipkerlik sýbektileri, aktsızdeletin ónimmen baılanysty qyzmetti júzege asyratyn «bir aýyl – bir ónim» baǵdarlamasynyń qatysýshylary jáne ekonomıkanyń basym sektorlaryndaǵy isin jańa bastaǵan jas kásipkerler men isin jańa bastaǵan kásipkerler qatysa alady», - dedi basqarmanyń kásipkerlikti qoldaý jáne damytý bóliminiń basshysy Máýe Seıdalıeva.
Konkýrsqa ótinim platforma arqyly qabyldanady. «KEZEKTE.KZ» saıtyna kirip, ótinim berý úshin kásipker retinde memlekettik tirkelýi, ETsQ jáne JK, JShS atynan bankten ashylǵan aǵymdaǵy shoty bolýy mindetti. Aıta ketý kerek, kásipker bir ǵana ótinim berýge quqyly. Memlekettik grantty taǵaıyndaýdy komıssııa quramy sheshedi. Bıyl komıssııa quramyna qoǵamdyq birlestikter, ǵylym, bilim berý mekemeleri, salalyq sarapshylar, BAQ, jergilikti atqarýshy organ ókilderi kirdi. Sondaı-aq, oblystyq maslıhat depýtattary, BAQ, úkimettik emes uıymdar jáne saıası partııalardyń ókilderinen baıqaýshylar qatysady. Konkýrs ashyq túrde ótkizilip, aýdıo-beıne jazba da júrgiziledi.
Búginde 3 jylda 171 jobaǵa 521 mıllıon teńge kóleminde qarjy jumsalǵan. Sonyń 32-i sotqa berilip, 101 mıllıon teńge qarjyny bıýdjetke qaıtarý jumystary atqarylýda. Sebebi grant ıegerleri qarjyny maqsatsyz jumsasa, grant qarajatyn erejede kórsetilmegen orynǵa paıdalansa nemese kásibin júzege asyrmasa alǵan qarajatty qaıtarýy kerek. Qazirgi tańda, 2021 jyldary berilgen granttarǵa qosymsha monıtorıng jumystary júrgizilýde.