Qyzylordalyq jas ónertapqysh «Ushatyn fermer» apparatyn qurastyrdy

QYZYLORDA. QazAqparat - Qyzylorda qalasyndaǵy Nazarbaev Zııatkerlik mektebiniń oqýshysy Nurbol Jaqsylyq aýyl sharýashylyǵy salasynda qoldanýǵa yńǵaıly «Ushatyn fermer» apparatyn qurastyrdy, dep habarlaıdy QazAqparat tilshisi.

Bul qondyrǵylar úlken alqaptardy tynaıtqyshtarmen qunarlandyrýǵa múmkindik beredi.

«Búginde pılotsyz ushý apparattar tehnologııasy qarqyndy damyp keledi. Qazirgi tańda óndiristiń kóptegen salalary avtomattandyrylǵan júıege kóshýde. Bizdiń jobamyz egin salasynda pıslotsyz ushý apparattaryn qoldanýǵa baǵyttylǵan. Bul úlken aýmaqtardy tynaıtqyshtarmen baıytýǵa múmkindik beredi. «Ushatyn fermerdiń» ózge drondardan aıyrmashylyǵy – ushý ýaqytynyń uzaqtyǵy, ári klımattyq jaǵdaıǵa tózimdi bolyp keldi», – deıdi jas ónertapqysh.