Qyzylordalyq jas ónertapqysh ınnovatsııalyq qulaqqap jasady
Jas ónertapqyshtyń bul jobasy kópshilikti tańǵaldyryp otyr. Qazir ekiniń biri qulaqqapty paıdalanady. Degenmen ol qaýipsizdikti saqtaý barysynda kóptegen qıyndyqtar týdyrady. Dastan qulaqqaptyń ishine qaýipsizdik sıgnalyn ornatqan. Máselen, kólik, jol-kólik, jedel járdem qyzmetteriniń sıgnaly estilgende qulaqqaptaǵy áýen avtomatty túrde toqtaıdy.
«Mundaı qulaqqaptyń alystan kólik dabylyn qabyldaýǵa múmkindigi bar. Ol shamamen 15 metrdi quraıdy. Sondaı-aq, osyndaı qashyqtyqta mýzykany qabyldaýǵa shamasy bar. Ázirge qulaqqaptyń bir ǵana danasyn jasap shyqtym. Aldaǵy ýaqytta ony kóbeıtýge usynys túsip jatyr», - dedi Dastan Aıtbaı.
Búgingi kúni atalmysh joba boıynsha Qyzylorda oblysynyń ákimdigi men Qorqyt ata atyndaǵy Qyzylorda memlekettik ýnıversıteti tarapynan ony iske asyrýǵa baılanysty usynys jasalǵan. Endi birlesip jumys jasaý barysynda ony qoldanysqa engizbek.
Jaqynda Qyzylordadaǵy «Kásipkerler úıinde» oblys jastarynyń arasynda ótken «Baıqońyr Start-up 2» bıznes-ıdeıalar konkýrsynda Dastan Aıtbaıdyń «Innovatsııalyq qulaqqap «Safe headphones»» jobasy arqyly birinshi oryndy jeńip aldy. Oǵan arnaıy dıplom men 300 myń teńgeniń sertıfıkaty tabys etildi.
Budan buryn jas ónertapqyshtyń vırýsqa qarsy qorǵanys retinde qoldanylatyn arnaıy jobany oılap tapqanyn habarlaǵan edik.