Qyzylordalyq jas bıshiler Londonda ótken halyqaralyq festıvalde jeńimpaz atandy

QYZYLORDA. QazAqparat - Qyzylordalyq «Samǵa» bı toby Ulybrıtanııa astanasy - Londonda ótken halyqaralyq shyǵarmashylyq festıvalinde jeńimpaz atandy, dep habarlaıdy QazAqparat tilshisi.

Festıval onlaın túrde uıymdastyryldy. Oǵan álemniń kóptegen memleketinen shyǵarmashyl toptar qatysty. Qyzylordalyq ónerpazdar qazaqtyń ulttyq bıin oryndap, tóreshiler tarapynan joǵary baǵa aldy.

Aıta keteıik, «Samǵa» bı toby Zııatkerlik mektep janynan qurylǵan. Búginde ujymnyń 50-den astam belsendi músheleri ártúrli janrdaǵy horeografııany meńgerip, mádenı murany nasıhattaýǵa úlken septigin tıgizýde.

Ujymnyń jetekshileri kásibı horeograftar Juldyzaı Máýlenova men Aqmaral Alıbekovanyń oqýshylardyń jan-jaqty jáne shyǵarmashylyq áleýetin damytýǵa úles qosyp keledi.

Balalardyń talantyn ashýda jáne ulttyq ónerdi jańǵyrtýdaǵy eńbekteri úshin pedagogtar da uıymdastyrýshylardyń Alǵys hatymen marapattaldy.

Atalǵan bilim ordasynyń 11-synyp oqýshysy Baıan Sarybaeva da Polshada ótken halyqaralyq festıvalde jeke oryndaýda «Qyz qııaly» atty bı qoıylymymen birinshi dárejeli dıplom ıegeri atandy.