Qyzylordalyq prokýrorlar medıtsınalyq mekemelerde qabyldaý júrgize bastady

QYZYLORDA. QazAqparat- Qyzylorda oblystyq jáne qalalyq prokýratýralarynyń 17 qyzmetkeri aımaq ortalyǵyndaǵy 17 medıtsınalyq mekemede qabyldaý júrgizdi.

Bul týraly «QazAqparat» HAA tilshisi oblystyq prokýratýraǵa silteme jasap habarlady.

Quqyq organy ókilderi aýrýhana, emhana jáne dıspanserdiń emdelýshileri men qyzmetkerlerin, barlyǵy 200 azamatty qabyldady.

Medıtsınalyq kómek berýde sapa men qoljetimdilikti arttyrýdyń, sonymen qatar, medıtsınalyq qyzmetkerlerdiń qyzmet jaǵdaıyn tıisti deńgeıde qamtamasyz etýdiń tetikteri anyqtaldy. 

Atap aıtsaq, jekelegen mekemelerde arnaıy kabınetterdiń, mamandardyń (oftalmolog, reanımatolog, anestezıolog jáne t.b.) jetispeýi, emdelýshilerdiń qujattaryn rásimdeýde qıyndyqtardyń týyndaýy, beınebaqylaý kameralarymen tolyq qamtylmaý jáne t.b. 
Shara aıasynda turǵyndardyń medıtsınalyq qyzmetti alý jaǵdaıyna da nazar aýdaryldy. Mysaly, qoǵamdyq kólik toqtaıtyn aıaldamadan oblystyq kópsalaly balalar aýrýhanasyna deıingi araqashyqtyq 500 metrdi quraıdy.  

Qabyldaýdyń nátıjesi týraly aıtylǵan máselelerdi naqty sheshý usynysymen birge oblystyq densaýlyq saqtaý basqarmasy basshysynyń atyna joldanatyn aqparattyq hatta kórsetiletin bolady. 

Turǵyndardyń oń pikirin nazarǵa alyp, nysandarda azamattardy qabyldaý óz jalǵasyn tabady.