Qyzylordalyq oqýshy óndiristik sýdy tazartýdyń ozyq ádisin tapty
Qyzylorda qalasyndaǵy Nazarbaev Zııatkerlik mektebi oqýshysynyń jańashyl jobasy arqyly óndiristik sýdy tazartýǵa ketetin ýaqytty tórt esege deıin qysqartýǵa bolady.
Búginde elimizde sý qoımalarynyń tazalyǵyn saqtaý máselesi sanıtarlyq talapqa saı kele bermeıdi. Bul baǵytta qolǵa alynyp júrgen súzý ádisi oǵan tolyqtaı daıyn emes. Zarına jasaǵan jańa joba boıynsha sý sapasyn arttyrýǵa zor múmkindik týady. Bul joba boıynsha eki jyldan beri zertteý jumystary atqarylǵan.
Oqýshy atalǵan jobany hımııa pániniń muǵalimi Marat Syzdyqbaevpen birge júzege asyrǵan. Sol boıynsha mekteptiń zerthanasynda ónimderdiń hımııalyq qasıetine saraptama júrgizilgen. Joba boıynsha oń nátıjege qol jetkizýge bolatyny anyqtaldy. Ol paıdaly model retinde baǵalandy. Joba avtorlary Ulttyq zııatkerlik menshik ınstıtýty tarapynan patentke qol jetkizdi.
«Aıta keterligi, endigi kezekte sorbentterdi alý úshin arnaıy óndiris ornyn ashýdyń qajeti joq. Ony qandaı da óndiris ornynda jasaýǵa bolady. Sol jerden sorbent alynady. Ol óndiristik qaldyq sýlardy tazartýǵa jol ashady», - deıdi hımııa pániniń muǵalimi Marat Syzdyqbaev.
Zarınanyń atýynsha, burynǵy tájirıbe boıynsha da osyndaı quram bóliktermen jasalǵan. Biraq ol jerde bir saǵatqa deıin ýaqyt jumsalady. Oǵan qosa energııalyq shyǵyn da kóp bolǵan. Endigi jaǵdaıda ýaqytty qysqartyp, óte joǵary kórsetkishke qol jetkizýge múmkindik bar.
Buǵan deıin qyzylordalyq jas ónertapqyshtar «aqyldy» jylyjaı qurastyrǵanyn jazǵan bolatynbyz.