Qyzylordalyq nurotandyqtar Táýelsizdiktiń 25 jyldyǵyna oraı 100 otbasyǵa kómek kórsetti

QYZYLORDA. QazAqparat - Azamattardyń áleýmettik máselelerin óziniń saıası Doktrınasyna arqaý etken «Nur Otan» partııasynyń Qyzylorda oblystyq fılıaly El Táýelsizdiginiń 25 jyldyǵyna arnalǵan «25 qaıyrymdy is» aktsııasyn uıymdastyrdy. Bul týraly QazAqparat tilshisi habarlady.

Jetekshi partııa ókilderi ıgilikti sharany UOS ardageri, 92 jastaǵy Ábdiraýyq Satybaldy aqsaqaldy mereıli merekemen quttyqtap, aqsaqaldyń aq batasyn alýdan bastady. 

«Nur Otan» partııasy Qyzylorda oblystyq fılıaly tóraǵasynyń birinshi orynbasary Ibadýlla Quttyqojaev Táýelsizdik jyldaryndaǵy Elbasymyzdyń dana kóshbasshylyǵymen qol jetkizilgen jetistikter men tabystarymyzdy atap, Táýelsizdik qundylyqtaryn keıingi urpaqqa nasıhattaýdaǵy eńbegine zor alǵysyn bildirdi. Jáne partııa fılıalynyń tóraǵasy, aımaq basshysy Qyrymbek Kósherbaevtyń quttyqtaý haty men arnaıy merekelik syı-syıapatyn tabystady.

Ardagerlerin ardaqtaǵan «Nur Otan» partııasyna rıza bolǵan soǵys ardageri «Elimizde soǵys bolmasyn, kók baıraǵymyz kókte jelbirep, Táýelsizdigimiz máńgi bolsyn! Elimiz, Elbasymyz aman bolsyn» degen aq batasyn berdi.

Táýelsizdigimizdiń 25 jyldyǵyna oraı uıymdastyrylǵan aktsııanyń negizgi maqsaty áleýmettik jaǵdaıy tómen otbasylardy qoldap maraldyq jáne materıaldyq kómek kórsetý. 

Shara aıasynda nurotandyqtar «Qyzyl-aı» qoǵamdyq birlestigimen birlesip, qaladaǵy turmysy tómen 100 otbasyna azyq-túlik jáne turmystyq zattaı kómek kórsetti.

Raýshanbek Kamalov - 69 jastaǵy zeınetker. 6 balasy bar. Barlyǵy da er jetken. Turaqty jumystary bolmaǵan soń, arasynda jaldamaly jumys jasaıdy. Olardyń tapqandary nemerelerimniń kıim-kesheginen artylmaıdy. Búginde óziniń jáne jubaıynyń zeınetaqysymen búkil otbasyn asyrap otyrǵandyǵyn aıtady. Búgin ǵana emes, buǵan deıin de partııanyń qamqorlyǵyn sezingen Kamalovtar otbasynyń tiregi Raýshanbek aǵa partııa basshylyǵyna sheksiz rızashylǵyn bildirip, jumysyna sáttilik tiledi. 

«Nur Otan» partııasy oblystyq fılıalynyń uıymdastyrýymen El Táýelsizdiginiń 25 jyldyǵyna oraı «25 qaıyrymdy is» aktsııasy ekinshi ret uıymdastyrylyp otyr. Munan bólek partııanyń «Kedergisiz keleshek», «Baqytty balalyq shaq», «Ardagerlerdi ardaqtaıyq» sekildi áleýmettik jobalary aıasynda jyl boıyna 100-den astam otbasyǵa azyq-túlik jáne qaryjylaı kómekter kórsetildi.

«Biz partııa qabyldaýyna kelgen azamattardyń ótinishterin múmkindiginshe oryndaýǵa tyrysyp jatyrmyz. Sondyqtan mundaı aktsııalar áli de jalǵasyn tabatyn bolady», - dedi shara barysynda oblystyq partııa fılıaly tóraǵasynyń orynbasary Ádilbek Ersultanov.