Qyzylordalyq maman: Adamdar ómirin qutqarý - jaýapty mıssııa
- Bul qyzmetke kelýińizge ne túrtki boldy? Óte jaýapty jumysty atqarý qıynǵa soqpaı ma?
- Adamdar ómirin qutqarý - joǵary jáne jaýapty mıssııa. Qıyn jaǵdaıǵa tap bolǵan adamǵa kómek kórsetý kez kelgenniń qolynan kele bermeıdi. Ózgeniń ómirin saqtaý úshin óz janyn shúberekke túıip qyzmet etip etýge týra keledi
Ádette, qutqarýshy mamandyǵynda er azamattar kóp ekeni belgili. Biz de solarmen birge ıyq tirestirese jumys jasaýǵa týra keledi. Men Jedel qutqarý jasaǵynyń bas qutqarýshy-psıhologi qyzmetin atqaramyn. Begmanova Janar Ótegenqyzy týraly oı qozǵaıtyn bolamyz. Bilim salasynda 10 jyldan asa qyzmet ettim. Pedagogıka jáne psıhologııa ǵylymdarynyń magıstri dárejesin qorǵadym. Al azamattyq qorǵaý salasyna 2015 jyly at basyn burdym. Sodan beri mine 8 jyldan astam ýaqyt ótti. Jaýapty qyzmetti abyroımen atqarýǵa tyrysamyn.
Qutqarýshy psıholog bolý ońaı jumys emes. Óıtkeni ol eń birinshi aldyndaǵy adamnyń ishki jan dúnıesine úńile bilýi, ony túsine bilýi tıis. Sondaı-aq, senimdi baılanys ornatyp, sol sáttegi jaǵdaıymen erkin bólise alatyndaı dárejege jetkizý qajet. Jaýapkershilik óte úlken. Bul jerde tikeleı adam ómiri sol qutqarýshy psıhologpen jiti baılanysty. Jalpy, qutqarýshy sóziniń maǵynasy tereńde jatyr, Qutqarý jasaǵyndaǵy jumys jasaıtyn qutqarýshy psıhologtiń bir kúni ekinshisine múlde uqsamaıdy. Biz túrli oqys oqıǵamen betpe-bet kelip jatamyz.
- Alǵash qyzmetke kelgen jáne qazirgi kezińizdegi jumys tájirıbeńizde qandaı ózgeshelik bar?
- Árbir kún saıyn kásibime shyńdalyp, shynyǵyp kelemin. Alǵash jumysqa kelgen sátim áli kóz aldymda. Barlyq oqıǵany júrekpen qabyldaıtyn edim. Qazir psıhologııalyq turǵyda áriptesterime psıhologııalyq kómek berýge tyrysamyn. Oǵan qosa oqıǵa orynda zardap shegýshi azamattarǵa da qalaı sóıleý kerektigin túsindiremin. Osylaısha qutqarýshy mamandarmen qyzmet atqaramyn.
Árdaıym bilimimdi tolyqtyryp otyramyn. Oǵan eshqashan kesh emes. Osyndaı prıntsıpti ustanamyn. Ózge óńirlerdegi áriptesterimmen de tyǵyz qarym-qatynastamyn. Bastysy, tájirıbe men mamandyqqa degen súıispenshilik qajet. Sondyqtan qoıylǵan talapty oryndap, tártipke baǵyný - basty shart. Kún saıyn túrli qońyraý bolady. Esiktiń ishten qulyptalyp qalýy, órt, jol-kólik oqıǵasy, tabıǵat apaty sekildi jaǵdaılarda mindetti túrde qutqarýshy mamandar qutqarýshy psıhologtarmen birge qyzmet atqarady. Aldymen zardap shekken adamǵa psıhologııalyq turǵyda kómek kórsetemiz. Tótenshe jaǵdaıǵa tap bolǵan adam qobaljyp, qutqarýshylardyń jumysyna da kedergi keltirýi múmkin. Sondyqtan biz ol adamdarmen psıhologııalyq turǵyda sóılesip, sabyrǵa shaqyramyz.
- Qyzmetke kelgendegi alǵashqy dabyl boıynsha atqarǵan jumysyńyz esińizde qaldy ma?
- Olar kez-kelgen sátte kómek kelýge daıyn. Osy jyldar ishinde Qazaqstanda tótenshe jaǵdaılardyń aldyn alý jáne joıý boıynsha tıimdi júıe quryldy. Tájirıbe jınaqtaldy jáne tehnıkalyq jaǵynan oıdaǵydaı jabdyqtaldy. Búginde azamattyq qorǵanys salasynda elimiz boıynsha kóptegen adamdar eńbek etýde. Qutqarýshy – bul ómir súrý salty. Bul qashanda erlik jasaýǵa, ózin qurban etýge daıyn bolý. Qutqarýshy mamandyǵyn tek batyl adamdar ǵana tańdaıdy.
Ol oqıǵa áli kúnge deıin kóz aldymda. 2015 jyly kóp qabatty turǵyn úıdiń ishinde esigi qulyptalyp qalǵan jaǵdaı kezdesti. Úıdiń ishinde 14 jastaǵy qyzy esik ashpaı jatqany jóninde habarlama tústi. Oqıǵa ornyna qutqarýshylarmen birge psıhologııalyq top ta birge jetti. Men psıhologııalyq turǵyda qıyn jaǵdaıda qalǵan anasyna kómek kórsettim. Osy sátti áriptesterim úı esigi temir bolǵan soń joǵarǵy tórtinshi qabatta ornalasqan páterdiń balkony arqyly 3 qabattaǵy úıdiń ishine arnaıy qutqarý quraldary arqyly kirdi. Esikti ishten ashqan soń páter ishinde es-tússiz jatqan qyzǵa kómek kórsetildi. Ol gaz plıtasyna sháınek qoıdym dep ottyqpen durys jaqpaǵan eken. Sonyń saldarynan gaz ıisine ýlanyp esine tanyp qalǵan.
Aldymen terezeniń barlyǵyn ashyp, jerde jatqan qyzǵa jasandy dem berildi. Salqyn sýmen betin jýyp, muzdatqyshta turǵan sútti berdik. Odan keıin jedel járdem qyzmeti dárigerlerine tapsyrdyq. Keıinnen oıyma «Múmkin esikti buzyp ashamyz» dep ýaqyt joǵaltqanda ne bolar edi? Qyz bala tiri qalar ma edi? Biz ýaqyt joǵaltqan joqpyz. Qutqarýshylar kásibı turǵyda qyzmet atqardy. Osylaısha bir adamǵa ekinshi ret ómir syıladyq. Sodan beri ár kún saıyn áriptesterimen birge qyzmetiniń arqasynda osyndaı myńdaǵan adamnyń ómirin qutqyp kelemiz.
- Cóz sońynda otbasyńyz jaıly aıta ketseńiz...
- Qyzmettiń qaýyrt ekenine qaramastan otbasyma kóńil bólemin. Súıikti ana bolýǵa tyrysamyn. Halyq qaýipsizdigi úshin qaltqysyz qyzmet etýge daıynbyz.
Eske salsaq, budan buryn Qyzylorda oblysynyń sanıtarııalyq-epıdemıologııalyq baqylaý departamentiniń asa qaýipti ınfektsııalardy epıdemıologııalyq baqylaý bóliminiń basshysy Janar Jetilgenova onyń aldyn alý, saqtaný joldary jóninde aıtyp berdi.