Qyzylordalyq kásipkerler muqtaj otbasylarǵa qol ushyn sozdy

QYZYLORDA. QazAqparat - Qyzylorda oblysynda jergilikti kásipkerlerdiń qoldaýymen muqtaj otbasylarǵa 100 azyq-túlik qorjyny taratyldy, dep habarlaıdy QazAqparat tilshisi.

Bul ıgilikti is «Meniń Atamekenim» qoǵamdyq qory men «Atameken» Ulttyq kásipkerler palatasy bastamasymen respýblıkalyq «Jaqsylyq jarshysy» aktsııasy boıynsha júzege asty. Atalǵan sharaǵa Qyzylorda oblysyndaǵy kásipkerler erekshe qoldaý bildirdi. Qamqorlyq aktsııasy oblysta jaqynda qurylǵan «Syr volonterlary» ortalyǵynyń «Birgemiz: Qamqor» baǵytynda júrgizildi. Sol arqyly qyzylordalyq kásipkerler 100 otbasyna azyq-túlik qorjynyn jasaqtap, ony volonterlar men avtovolonterlar turmysy tómen jandarǵa taratyp berdi.

«Bul usynysqa óńir kásipkerleri úlken qoldaý bildirdi. Az ǵana ýaqyttyń ishinde 1 mln. teńgeden astam qarjy jınaldy. Oǵan áleýmettik jaǵynan mutaj 100 otbasyǵa azyq-túlik taratyldy. Atalǵan kómek keı otbasylar úlken qoldaý dep sanaımyz», - dedi Qyzylorda oblysy kásipkerler palatasy dırektorynyń orynbasary Pirmuhammed Syzdyqov.

Áleýmettik kómekke muqtaj otbasylar tizimin «Syr volonterlary» ortalyǵynyń mamandary daıyndady. Oǵan kópbalaly, múmkindigi shekteýli bala tárbıelep otyrǵan nemese ata-anasynyń biri múmkindigi shekteýli otbasylar, jalǵyzbasty qarttar, birneshe balany tárbıelep otyr jalǵyzbasty analar bar engizilgen.

Sondaı-aq, «Jaqsylyq jarshysy» aktsııasy aıasynda shilde aıynda Qyzylordaǵa 9 apparat kelgen bolatyn. Olardyń basym bóligi Qyzylorda qalasyndaǵy aýrýhanalarǵa taratyldy. Sol izgilikti is tamyz aıynda da jalǵasyn tapty. Bul joly 54 ottegi kontsentratory Baıqońyr qalasy men barlyq aýdandaǵy aýrýhanalarǵa arnaldy. Atap aıtqanda, Aral -10, Qazaly - 5, Baıqońyr - 8, Qarmaqshy - 2, Jalaǵash - 6, Syrdarııa - 5, Shıeli - 5, Jańaqorǵan - 13 ottegi kontsentratory apparatyna qol jetkizdi.