Qyzylordalyq kásipker úshem tárbıelep otyrǵan otbasyǵa páter syılady

QYZYLORDA. QazAqparat – Qyzylordada kásipker Maǵjan Eralıev úshem tárbıelep otyrǵan kópbalaly Kenjebekovter otbasyna úsh bólmeli páterdiń kiltin tabys etti, dep habarlaıdy QazAqparat tilshisi.

M.Eralıev basshylyq etetin seriktestik 1994 jyly qurylǵan. Aýyl sharýashylyǵy salasynda, onyń ishinde elimizdiń kúrish ındýstrııasynda qarqyndy damyp kele jatqan kompanııanyń biri. Kúrish óndirisinde respýblıka boıynsha úzdikterdiń úshtigine kiredi jáne bul salaǵa qomaqty ınvestıtsııa quıyp keledi.

Kásipker qalalyq ákimdik pen «Atameken» Ulttyq kásipkerler palatasynyń qoldaýymen qolǵa alynǵan «Meniń atamekenim» áleýmettik jobasy aıasynda kópbalaly januıaǵa baspana syılady.

Kenjekbekovter áýletinde osydan úsh jylǵa jýyq ýaqyt buryn Hadısha, Raııana jáne Aısha esimdi úshem dúnıege kelgen edi. Oǵan deıin eki ul bala tárbıelep otyrǵan edi. Otbasy jaldamaly páterde turyp keldi. Úshemniń ákesi – Nurbolat qarapaıym eńbek adamy.