Qyzylordalyq kásipker aýyl qarııasyna úı salyp berdi
Álibek Nálibaev Jańaqorǵan aýdanynda kásipkerlik qyzmetpen aınalysady. Aýdandyq máslıhattyń depýtaty metsenattyǵymen jergilikti turǵyndarǵa jaqsy tanymal.
«Óteshbek aǵamyzdy jastaıymnan bilemin. Uzaq jyldar boıy mal sharýashylyǵynda eńbek etti. Otbasyn kesh qurǵan aǵamyzdyń qazir balalary da eseıip qaldy. Áli kúnge deıin baspana máselesin tolyq sheshe almaı júrgen bolatyn. Ol kisige baspana salyp berýdi ózimniń azamattyq mindetim sanadym», - deıdi kásipker.
Jańa úıdiń kiltin tapsyrý saltanatyna aýyl turǵyndary qatysty.
El aldynda Jańaqorǵan aýdanynyń bas ımamy Seıdýlla Omarov, Jańaryq, Qosúıeńki aýyldarynyń azamattary jáne ardager-jýrnalıst Almas Bekjigitov lebizderin bildirdi.
Buǵan deıin Qyzylordada aýyldastary jalǵyzbasty anaǵa úı alyp bergenin jazǵan bolatynbyz.