Qyzylordalyq karateshiler halyqaralyq týrnırden 3 «altyn» aldy
23:35, 21 Jeltoqsan 2016
QYZYLORDA. QazAqparat- Qyzylordalyq sportshylar el Táýelsizdiginiń 25 jyldyǵy aıasynda Aqtaý qalasynda karate-dodan (WKF) ótken halyqaralyq týrnırden 5 medal enshilep qaıtty, dep habarlaıdy «QazAqparat» HAA tilshisi dene shynyqtyrý jáne sport basqarmasyna silteme jasap.
Bes medaldiń úsheýi - altyn, ekeýi - qola. 18 jastaǵy qyzdar arasynda 50 keli salmaq dárejesinde Móldir Jańbyrbaı, jastar arasynda 60 keli salmaqta Mantaı Súıindik, 9 jasar qatysýshylar arasynda daralanǵan Shaıhy Gafýr altynnan alqa taqty.
Sonymen qatar, 8-9 jastaǵylar arasynda Meıirjan Ádilhan men 18 jastan joǵary jastar arasynda tamasha oıyn órnegin kórsetken Nurjan Aqpanbet qola medal aldy. Sportshylardy jarysqa jattyqtyrýshylar R.Abjamıev pen N.Aqpanbet daıyndady.