Qyzylordalyq ǵalymdar kókónis-baqsha ónimdiligin arttyratyn jańa joba oılap tapty
Innovatsııalyq joba topyraq qunarlylyǵyn jaqsartýǵa baǵyttalǵan. Atap aıtqanda, kúrish qaldyqtaryn qaıta óńdeý kezinde alynatyn bıotyńaıtqysh kartop, sábiz, qyzanaq, qııar, qaýyn jáne qarbyz sekildi kókónis jáne baqsha daqyldarynyń ónimdiligin arttyrady.
«Bul joba aldaǵy ýaqytta óndiriske engiziledi. Zertteý jumysyn ýnıversıtettiń ınjenerlik beıindegi zerthana jetekshisi, hımııa ǵylymdarynyń kandıdaty Nurlybek Ahataev bastaǵan ǵalymdar júrgizdi. Ol ósimdikterdi qorǵaý quraldaryn, bıotyńaıtqyshtar ázirleý, topyraqtyń qunarlylyǵy men sıpattamalaryn jaqsartý salasyn zerttep keledi. Qazirgi tańda 70-ten asa ǵylymı jumysy bar»
, - dep jazylǵan Qorqyt ata atyndaǵy Qyzylorda ýnıversıtetiniń habarlamasynda.
Ǵalymdar oblystyq aýyl sharýashylyǵy basqarmasy uıymdastyrǵan agroónerkásiptik keshen salasyndaǵy ınnovatsııalyq jobalar konkýrsyna qatysqan bolatyn. Baıqaý nátıjesinde ýnıversıtettiń eki jobasy 32 mln teńge qarjylaı qoldaý tapty.
Jańa jobany Qarmaqshy aýdany Turmaǵanbet aýylyndaǵy seriktestik qoldanysqa engizýdi josparlap otyr.
Eske sala ketsek, shymkenttik jas ǵalymdar qanttan da tátti ónim beretin ósimdik ekti.