Qyzylordalyq ǵalymdar antıseptıkalyq suıyqtyq ázirlep shyǵardy

QYZYLORDA. QazAqparat - Qyzylordalyq ǵalymdar koronavırýsqa qarsy antıseptıkalyq suıyqtyq oılap tapty, dep habarlaıdy QazAqparat tilshisi.

Bul jóninde qyzylordalyq ǵalym Nurbol Appaz málim etti.

«Qorqyt Ata atyndaǵy Qyzylorda memlekettik ýnıversıteti janyndaǵy hımııalyq zertteýler jáne tehnologııalar ınstıtýty ujymy antıseptıkalyq (vırýsqa jáne bakterııaǵa qarsy) suıyqtyq ázirlep shyǵardy. Osylaısha ǵalymdar COVID-19 koronavırýsy pandemııasyna qarsy is-áreketke óz úlesin qosty. Suıyqtyq hosh ıiske ıe, qoldy keptirmeıdi, kerisinshe ylǵaldandyrady. Antıseptıkalyq áseri keminde 1 saǵat saqtalady. Medıtsınalyq maskaǵa seýip, keptirip kııýge de bolady. Quramy: etanol, glıtserın, dıst.sý, efır maılary», - dedi N.Appaz.

Antıseptıktiń ár flakony 30 mıllılıtrge arnalǵan. Ony 20 kúnge deıin paıdalanýǵa bolady.