Qyzylordalyq ǵalymdar 95 mln teńge grantqa munaıdy óńdeý tehnologııasyn zertteıdi

   QYZYLORDA. QazAqparat-Qorqyt Ata atyndaǵy Qyzylorda memlekettik ýnıversıtetiniń 80 jyldyq mereıtoıy qarsańynda ýnıversıtet ǵalymdary quny 95 mln. teńgeni quraıtyn «Innovatsııalyq tehnologııa boıynsha munaı quramdy qaldyqtardy óńdeý» ǵylymı jobasynyń grantyn jeńip aldy. Bul týraly QazAqparat tilshisi ýnıversıtetke silteme jasap habarlady.

Jobanyń negizgi maqsaty tabıǵı resýrstardy tıimdi paıdalanyp, shıkizat pen ónimdi qaıta óńdeý bolyp tabylady.

Búginde osy jobaǵa baılanysty Qorqyt Ata atyndaǵy Qyzylorda memlekettik ýnıversıtetiniń ınjenerlik-beıindik zerthanasynda Germanııadan kelgen arnaıy qondyrǵy jasaý jumystary júrgizilýde.

Aıta keteıik, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginiń 64-qadamynda óndiriske ınnovatsııalar engizý jónindegi jumystardy qarjylandyrý tetikteri bar «Ǵylymı jáne (nemese) ǵylymı tehnıkalyq qyzmet nátıjelerin kommertsııalandyrý týraly» Zańnyń ázirlenetindigin atap kórsetken bolatyn. Sonymen birge ǵylymı granttar men baǵdarlamalar qurylymdary ındýstrııalyq-ınnovatsııalyq damý memlekettik baǵdarlamasynyń qajettiligine oraı qaıta baǵyttalatyny aıtyldy.