Qyzylordalyq azamattan iri kólemde esirtki men tirkelmegen qarýlar anyqtaldy
Oblys kóleminde ótip jatqan «Qarasora – 2022» jedel-profılaktıkalyq is-sharasy barysynda esirtki jáne psıhotroptyq zattardy taratý faktilerin anyqtaý maqsatynda Qyzylorda oblysy PD Esirtki qylmysyna qarsy is qımyl basqarmasynyń qyzmetkerleri reıdtik jumystar júrgizýde.
8 qazan kúni polıtsııa qyzmetkerleri 42 jastaǵy turǵynnyń úıin tekserý barysynda alıýmınıı flıagasyna salynǵan erekshe ıisi bar shóp jáne ishki ister organdarynda tirkelmegen eki qarý anyqtaldy. Saraptama qorytyndysymen tárkilengen zat jalpy salmaǵy 8 kg 493 gramm keptirilgen marıhýana ekeni belgili boldy. Kúdikti ýaqytsha ustaý ızolıatoryna qamaldy.
Atalǵan derek boıynsha QR QK-niń 296-babynyń 4-bóligimen (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) sotqa deıingi tergep-tekserý áreketteri júrgizilýde. Sonymen qatar zańsyz qarý saqtaǵany úshin ákimshilik hattama toltyryldy.
Foto: polisia.kz