Qyzylordalyq áıel memleketten páter áperemin dep 19 adamdy aldaǵan

QYZYLORDA. QazAqparat - Qyzylorda oblysynda memlekettik baǵdarlamamen páter alyp beretinin aıtyp, 19 adamdy aldap ketken azamatsha ustaldy, dep habarlady QazAqparat tilshisi.

Qyzylorda qalasy polıtsııa basqarmasyna oblys ortalyǵynyń 19 turǵyny alaıaqtyń qurbany bolǵany jóninde aryzdandy.

Aryzda kórsetilgenindeı, ótken jyldan beri bir azamatsha senimderine kirip, memlekettik baǵdarlamamen páter alyp beremin dep ýáde etken.

Saldarynan ol jábirlenýshi turǵyndarǵa 20 mln teńgeden astam shyǵyn keltirgen.

«Polıtsııa qyzmetkerleri tekserý jumysyn júrgizdi. Kúdikti retinde 32 jastaǵy azamatsha ustaldy. Atalǵan derek boıynsha QR Qylmystyq kodeksiniń 190-babynyń 3-bóligi 1,3,4-tarmaǵymen sotqa deıingi tergep-tekserý júrip jatyr», - dep málim etti Qyzylorda oblystyq polıtsııa deparamentinen.

Vedomstvo málimetinshe, oblys ortalyǵynda alaıaqtyq oqıǵalary jıilep barady. Jyl basynan beri Qyzylorda qalasynda 322 alaıaqtyq deregi tirkelgen.

Eske salsaq, budan buryn halyqaralyq izdeýde júrgen qyzylordalyq Qaraǵandyda ustaldy.