Qyzylordadaǵy shyny zaýyty ǵylym men ınnovatsııaǵa negizdelip iske qosylady - Erjan Saǵymbaev
Munan ári ol: «Memleket basshysynyń bıylǵy Joldaýyn buryn da belgilengen reformalardyń, atap aıtqanda, «Ult Jospary: 100 naqty qadam», «Tsıfrly Qazaqstan» baǵdarlamalarynyń zańdy jalǵasy dep esepteımin. Onyń mazmuny búginde búkil álem tehnologııany damytýǵa kóshkenin, ıaǵnı dúnıe júzinde tehnologııalyq tóńkeris bolyp jatqanyn kórsetedi. Osy oraıda Prezıdent tehnologııalyq jáne ekonomıkalyq turǵyda artta qalmaý úshin júzege asyrylýy tıis naqty mindetterdi usyndy. Jańa tehnologııalar qazirdiń ózinde damyǵan elderdiń ekonomıkalyq qurylymyn ózgertip, dástúrli salalarǵa jańa sapa bergenin kórip-bilip júrmiz. Sondyqtan, tsıfrlyq tehnologııany qoldaný aıasyn arttyryp, jańa jobalardy órkendetý - mańyzdy ári keshendi mindet», - deıdi tóraǵa.
Onyń aıtýynsha, Údemeli ındýstrııalyq-ınnovatsııalyq damý baǵdarlamasy aıasynda Qyzylorda qalasynda salynyp jatqan shyny zaýyty tolyq iske qosylǵan kezde sońǵy tehnologııalarmen jabdyqtalǵan álemdegi úshinshi zaýyt bolmaq.
«Ázirge mundaı zaýyt tek Japonııa men Qytaıda bar. Kásiporyn qurylysyn Qytaı elindegi shyny óndirisiniń kóshin bastap turǵan «China Triumph International» kompanııasy júrgizip jatyr. Otandyq mamandar osylaısha, bir jaǵynan, shyny ındýstrııasy ozyq eldegi áriptesterinen biraz dúnıeni úırene alady. Al aldaǵy ýaqytta jergilikti mamandardy tájirıbe almasý maqsatynda shet elderde oqytýdy josparlap otyrmyz», - deıdi ol.
Sondaı-aq, Erjan Saǵymbaev shyny zaýyty jumysyn bastaǵannan keıin munda «Apple», «LG», «Nokia» syndy iri kompanııalardyń ónimderi - planshet, smartfon jáne ózge de gadjetterge arnalǵan ýltrajińishke shynylar óndiriletinin aıtty.
«Odan bólek, zaýytta mıkroskop, dúrbilerge de arnap ónimder shyǵarý qolǵ,a alynbaq. Zaýyt jumysyn jolǵa qoıyp, aıaqqa turǵannan soń ǵaryshqa ushyrylyp jatqan zymyrandarǵa qoldanylatyn áınekter jasaý da oıda bar. Onyń tehnologııasy múldem basqa. Degenmen, bul da qoldan kelýi tıis», - dep qorytty sózin E. Saǵymbaev.