Qyzylordadaǵy Qorqyt ata áýejaıy básekeles ortaǵa ótýi múmkin

QYZYLORDA. QazAqparat-Qyzylordadaǵy «Qorqyt Ata» áýejaıy jekege ótýi múmkin. Bul týraly oblystyq qarjy basqarmasynyń basshysy Talǵat Jaqypbaev jýrnalıstermen ótken brıfıng barysynda aıtty, dep habarlady QazAqparat HAA tilshisi.

Byltyr tizimdegi 5 nysan jekeshelendirildi. Oblystyq salaýatty ómir saltyn qalyptastyrý ortalyǵy saýdaǵa birneshe márte shyǵaryldy. Protsess uzaq júrdi. Aldaǵy eki jylda 6 uıymdy básekeles ortaǵa berý josparlanǵan. Tizimde Qorqyt Ata áýejaıy, «Baıqońyr» korporatsııasy, «Syrdarııa» balalar saýyqtyrý lageri de bar. 

«Jekeshelendirýdiń jarııalylyǵy men tıimdiligin qamtamasyz etý úshin oblys ákimdigi janynan turaqty komıssııa quryldy. Usynylǵan árbir obektiniń iske asyrý merzimderi bekitildi», - dedi basqarma basshysy.