Qyzylordadaǵy aýylda 100-inshi saılaýshyǵa syılyq tabystaldy
Qaraqum - oblystaǵy eń shalǵaı aýyldardyń biri. Jergilikti turǵyndar mańyzdy sharaǵa belsene qatysýda. Olardyń basym kópshiligi saılaý ýchaskesine kelip úlgerdi.
Eldi mekende Rásıma Іzbasarova eń jas saılaýshy retinde tirkelgen. Ol búgin saılaý ýchaskesine baryp, tańdaýyn jasady.
«Men óz týǵan aýylymnyń keleshegi kemel bolǵanyn qalaımyn. Tuńǵysh ret qatysqan saılaýymda týǵan ózim senim bildirgen adamǵa qoldaý kórsettim. Saılanǵan ákim aýyldy órkendetý úshin jumys jasaıtynyna senemin»- deıdi ol.
Al saılaý ýchaskesinde 100-inshi bolyp daýys bergen aýyl turǵynyna syılyq tabystaldy. Mundaı qurmetke Maral Nurjanova ıe boldy.
«Búgingi naýqannyń aýyl halqy úshin máni zor. Sebebi turǵyndar aýyl ákimin ózderi tańdady. Naýqanda júzinshi turǵyn retinde saılaý ýchaskesi tarapynan syılyq berilgeni kútpegen jaǵdaı boldy. Aýylymyzdyń gúldene berýine tilektespin», - dedi ol.
Óńirde 40 saılaý okrýginde aýyl ákimi saılaý ótkizilýde. Onda barlyǵy 122 adam úmitker retinde tirkelgen. Onyń ishinde saıası partııalardan - 47 adam tússe, 75 kandıdat ózin-ózi usynǵandar.
Oblys boıynsha ortasha básekelestik 3 adamnan bolyp tur. Al 6 okrýgte - 2, 28 - 3, 5 okrýgte 4, 1 okrýgte – 6 kandıdattan tirkelgen.