Qyzylordadaǵy Abaı aýylynda Abaı shyǵarmashylyǵy nasıhattaldy

QYZYLORDA. QazAqparat - Qyzylorda oblystyq fılarmonııasy qazaqtyń kórnekti tulǵasy Abaıdyń 175 jyldyǵyna oraı aýyldarda mádenı is-sharalar ótkiýzdi qolǵa aldy.

Osy oraıda Qyzylorda qalasyna qarasty Abaı aýylynda «Abaıdyń án álemi» atty kontsert ótkizildi, dep habarlaıdy QazAqparat tilshisi.

Kontsertke oblystyq fılarmonııanyń «Aqmeshit» folklorlyq ansambli jáne jeke oryndaýshylary qatysty. Abaıdyń «Kózimniń qarasy», «Aıttym sálem Qalamqas» , «Jelsiz túnde jaryq aı» syndy halyqqa keńinen taralǵan ánderin kórermen birge shyrqaldy. Jyraý Ádilhan Qýańbaev «Abaıǵa arnaý» tolǵaýyn alǵash ret kórermenniń nazaryna usyndy. Osy kontsertte Abaı óleńderin №138 Abaı atyndaǵy orta mektep oqýshylary qazaq, orys, aǵylshyn tilderinde oqydy.

Sondaı-aq, osyndaı shara oblystyq fılarmonııanyń uıymdastyrýymen Syrdarııa aýdany, Aıdarly aýylynda ótti. Onda Ábý Nasyr Ál-Farabıdiń 1150 jyldyǵy, Abaıdyń 175 jyldyǵy jáne Qazaqstan halyqtary Assambleıasynyń 25 jyldyǵy keńinen nasıhattaldy. El aldynda «Mádenıet qaıratkeri» Ú.Medeýova jáne Mádenıet salasynyń úzdigi, jyraý M.Sársenbaeva óner kórsetti.

Budan buryn Qyzylordada Abaıdyń 175 jyldyǵyna oraı birqatar is-shara ótetinin habarlaǵan edik.