Qyzylordada jylqyǵa soǵylǵan kólik júrgizýshisi kóz jumdy
Oqıǵa Aral aýdanyna qarasty Qambash eldi mekeniniń tusynda boldy. «Audi» markaly kólik ıesi «Batys Evropa-Batys Qytaı» tas jolynyń boıynda jylqy malyna soqty. Kólik júrgizýshisi oqıǵa ornynda kóz jumdy. Kólik ishinde bolǵan jolaýshylar túrli dene jaraqatymen Aral aýdandyq aýrýhanasyna jetkizilgen.
«Atalǵan derek boıynsha QR Qylmystyq kodeksiniń 345-babynyń 3-bóligimen sotqa deıingi tergep-tekserý áreketteri júrgizilýde. Qylmystyq is boıynsha tıisti saraptamalar taǵaıyndalyp, qorytyndylary kútilýde. Jylqynyń ıesin anyqtaý maqsatynda tıisti sala qyzmetkerlerine tapsyrma berildi», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada qańtar oqıǵasynda polıtsııa ǵımaratyna qarýly shabýyl jasaǵandar ustaldy.